Shan e Ameer Hamza

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

حضرت امیر حمزہ رَضِیَ اللہُ عنہ کے 2 اعلیٰ اَوْصاف

اے عاشقانِ رسول! اس حدیثِ پاک میں اللہ پاک کے آخری نبی ، رسولِ ہاشمی صلی اللہُ عَلَیْہِ وَ آلِہٖ وَسَلَّم نے حضرت امیر حمزہ رَضِیَ اللہُ عنہ کے2 خصوصی اَوْصاف ذِکْر فرمائے : (1) : وُصُولُ الرَحْم (یعنی بہت صلہ رحمی کرنے والا) (2) : فُعُولُ الْخَیْرات (بہت نیکیاں کرنے والا)۔

کاش! ہم بھی ان دونوں اَوصاف کو اپنائیں اور حضرت امیر حمزہ رَضِیَ اللہُ عنہ کا فیضان حاصِل کریں۔

صلہ رحمی کے فضائل

پیارے اسلامی بھائیو! صلہ رحمی کے بارے میں 3احادیث مبارکہ سنتے ہیں : (1) : پیارے آقا ، مدینے والے مصطفٰے صلی اللہُ عَلَیْہِ وَ آلِہٖ وَسَلَّم نے فرمایا : جسے یہ پسند ہوکہ اس کی عمر اور رزق میں اضا فہ کردیاجائے تواسے چاہیئے کہ اپنے والدین کے ساتھ اچھا برتاؤ کرے اور اپنے رشتہ داروں کے ساتھ صلہ رحمی کیا کرے ۔ ^{(^[1])}(2) : طبرانی نے اوسط میں حضرتِ جابر رَضِیَ اللہُ عنہ سے روایت کیا ہے : حضورِ اکرم ، نورِ مُجَسَّم صلی اللہُ عَلَیْہِ وَ آلِہٖ وَسَلَّم کا شانۂ نبوت سے باہر تشریف لائے ، ہم لوگ اکٹھے بیٹھے ہوئے تھے ، آپ نے ہمیں دیکھ کر فرمایا : اے مسلمانو! اللہ سے ڈرو اور صلہ رحمی کرو کیونکہ صلہ رحمی کا ثواب بہت جلد ملتا ہے۔ ^{(^[2])}(3) : بزار اور حاکم کی روایت ہے : جو شخص یہ تمنا رکھتا ہو کہ اس کی عمر طویل ہو ، رزق میں کشادگی ہو اور بُری موت سے بچ جائے وہ اللہ سے ڈرے اور صلہ رحمی کرے۔ ^{(^[3])}

[1]... التر غیب ، والترہیب ، کتاب البر والصلاۃ ، باب بر الوالدین ، صفحہ : 801 ، حدیث : 16۔

[2]... معجم اوسط ، جلد : 4 ، صفحہ : 187 ، حدیث : 5664۔

[3]...مستدرک ، کتاب البر والصلۃ ، باب احادیث صلۃ الرحم ، جلد : 5 ، صفحہ : 222 ، حدیث : 7362۔

Important

Mobile Apps

Contact Us