Aala Hazrat Ka Aala Kirdar

تو اعلیٰ حضرت رَحْمَۃُ اللّٰہ عَلَیْہ نے دُعا فرمائی اور ساتھ ہی مجھے اور میرے بھائی سید قناعت علی سے ارشاد فرمایا : تم دونوں کا نام بھی میں نے دُعا کی فہرست میں شامل کر لیا ہے جو آہستہ آہستہ بہت لمبی ہو گئی ہے یہ تمام نام مجھےیاد ہیں ، روزانہ سب کے لیے نام لے کر دُعا کرتا ہوں ۔ (فیضان اعلی حضرت ، ۱۸۰ملخصاً)

جنازے میں کثرت سے دُعا مانگتے

(3)اعلیٰ حضرت رَحْمَۃُ اللّٰہ عَلَیْہ تما م عوامِ اہل سُنّت کے لیے درد محسوس کرنے والا دل رکھتے تھے ، چنانچہ آپ رَحْمَۃُ اللّٰہ عَلَیْہ اکثر جنازوں میں تشریف لے جاتے اور مَیِّت سے ہمدردی کا یوں اظہار فرماتے کہ دوران ِ جنازہ اور جناز ہ کے بعد مَیِّتکیلئےکثرت سے دُعا فرماتے تھے۔ آپ رَحْمَۃُ اللّٰہ عَلَیْہ جس خوش قسمت کی نماز ِجناز ہ پڑھاتے تو وہاں موجود لوگوں کو ایسا معلوم ہوتا کہ آپ رَحْمَۃُ اللّٰہ عَلَیْہ اپنی پُر زور شفاعت سے اُس کی مغفرت کروارہے ہیں ۔ (حیات ِ اعلیٰ حضرت ، ص۵۵۲ملخصاً)

ماں باپ ، استاد اور تمام مسلمانوں کے لئے دُعا کی اہمیت

اے عاشقانِ امام حمد رضا !ہمیں بھی اعلیٰ حضر ت رَحْمَۃُ اللّٰہ عَلَیْہ کی سیر ت اپناتے ہوئے نہ صرف اپنے لئے بلکہ اپنے ماں باپ ، اَساتذۂ کرام ، رشتہ داروں اور تمام مسلمانوں کیلئے بھی دعا کرنی چاہیے۔

حضرت ابُو الشیخ اَصبہانی رَحْمَۃُ اللّٰہ عَلَیْہ نے حضرت ثابت بُنانی رَحْمَۃُ اللّٰہ عَلَیْہ سے روایت کی : ہم سے ذکر کیا گیا ہے : “ جو شخص مسلمان مَردوں اور عورَتوں کے لیے بھلائی کی دعاکرتا ہے قیامت کے دن جب ان کی مجلسوں پر گزرے گاایک کہنے والا کہے گا : یہ وہ ہےجو تمہارے لیے دُنیا میں بھلائی کی دعاکرتا تھا پس وہ اس کی شفاعت کریں گے اور بارگاہِ الٰہی میں عرض کر کے اسے جنّت میں لے جائیں گے۔ “ (فضائل دعا ، ص۸۶ملخصاً)

Important

Mobile Apps

Contact Us