كوم اړخ اوګورئ نو بس تاسو ته به كمال او كمال په نظر راځي، څنګه چې اعلٰـى حضرت رَحْمَةُ اللهِ عَلَيْه ډير لوئ مُفَسِّر دے، زبردست مُحَدِّث دے، بےمثاله عالِم دے، باكماله مُفتـي دے، عابد [يعني ډير زيات عبادت كوونكے] دے، زاهِد [يعني د دُنيا نه ډډه كوونكے] دے، دغه شان اعلٰـى حضرت رَحْمَةُ اللهِ عَلَيْه يو ولـئ كامِل  او پيرِ كامِل هم دے. نن هم د اعلٰـى حضرت رَحْمَةُ اللهِ عَلَيْه په لكونو كروړونو مريدان په دُنيا كښې موجود دي او څومره چې عطَّاري دي هغه هم رَضَوي دي ځكه چې اَمِیرِ اَهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ  د اعلٰـى حضرت رَحْمَةُ اللهِ عَلَيْه په واسطے سره په سلسله قادريه كښې بيعت كوي. او كوم عاشقانِ رسول چې د اعلٰـى حضرت رَحْمَةُ اللهِ عَلَيْه په سلسله كښې بيعت نه دي، هغوئي هم د اعلٰـى حضرت رَحْمَةُ اللهِ عَلَيْه عاشقان يقينًا دي ځكه چې اعلٰـى حضرت رَحْمَةُ اللهِ عَلَيْه د عشقِ رسول او سُنِّـيَت پيژندګلو ده.

       اعلٰـى حضرت رَحْمَةُ اللهِ عَلَيْه زمونږه پير دے، د هر عاشِق د زړه دړكن دے. نن مونږه اعلٰـى حضرت يو پيرِ كامِل په عنوان سره د سيرتِ رِضا يو څو مثالونه اوريدلو سعادت حاصلوو. الله پاك دې مونږ ټولو ته په مسلكِ اعلٰـى حضرت باندې ثابت قدمي نصيب كړې، په عشقِ رِضا، محبَّتِ اولياء او په عشقِ مصطفٰى باندې استقامت را عطا كړې.          اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم