زڪوٰة ٿيندي هئي، ان کان وڌيڪ رقم راھِ خُدا ۾ زڪوٰة جي نيت سان ڏئي چڪا آهيو، ايتري رقم) آئنده سال مان گھٽ ڪري وٺو۔ الله پاڪ ڪنهن جو نيڪ ڪم ضايع ناهي ڪندو۔

(6): فرض حج ادا ڪريو!

صاحبِ استطاعت تي حج فرض آهي، الله پاڪ ان جي فرضيت بيان ڪري فرمايو:

وَ  مَنْ  كَفَرَ  فَاِنَّ  اللّٰهَ  غَنِیٌّ  عَنِ  الْعٰلَمِیْنَ(۹۷)  (پاره:4، سورۂ آلِ عمران:97)         

ترجَمو ڪنزُ العرفان: ۽ جيڪو انڪار ڪري ته الله  سڄي جهان کان بي پرواھ آهي.

نبي ڪريم صَلَّى اللّٰهُ عَلَيۡهِ واٰلِهٖ وَسَلَّمَ حج ڇڏڻ واري بابت فرمايو: چاهي يهودي ٿي مري يا نصراني ٿي مري۔ ^([1])

(7): باطني بيمارين کان بچو

سيدي اعليٰ حضرت رَحۡمَةُ اللهِ عَلَيۡه پنهنجي مُرِيدن کي وڌيڪ نصيحتون ڪندي فرمائن ٿا: ڪِذب (ڪوڙ)، فحش (يعني بيحيائي)، چغلي، غيبت، زنا، لواطت، ظلم، خيانت، ريا، تڪبر، ڏاڙھي ڪوڙائڻ، فاسقن وارو انداز اپنائڻ ۽ هر بُري خصلت کان بچو۔

جيڪو انهن (بيان ڪيل تمام) ڳالهين تي عمل پيرا رهندو، الله ۽ رسول جي وعدي سان ان جي لاءِ جنّت آهي۔^([2])

اي عاشقانِ رسول! پيرِ ڪامِل اعليٰ حضرت رَحۡمَةُ اللهِ عَلَيۡه پنهنجي تمام مُرِيدن کي هي نصيحتون فرمايون، اچو! نيت ڪريون ٿا، اسان جيستائين زِندھ