Ala Hazrat Aik Peer-e-Kamil

Al Quran Books Madani Channel

Magazine Courses Media

ہے بدرگاہِ خدا عطّار عاجز کی دُعا تجھ پہ ہو رحمت کا سایہ اے امام احمد رضا^{(^[1])}

پیارے اسلامی بھائیو! ہمارے اعلیٰ حضرت ، امامِ اہلسنت رَحمۃُ اللہِ عَلَیْہ الحمد للہ! ہَمَہ جِہَت شخصیت ہیں یعنی آپ کی سیرتِ پاک کو جس پہلو سےبھی دیکھا جائے ، بَس کمال ہی کمال نظر آتا ہے ، جس طرح اعلیٰ حضرت رَحمۃُ اللہِ عَلَیْہ بہت بڑے مُفَسِّر ہیں ، زبردست مُحَدِّث ہیں ، بے مثال عالِم ہیں ، باکمال مفتی ہیں ، عابِد ہیں ، زاہِد ہیں ، اسی طرح اعلیٰ حضرت رَحمۃُ اللہِ عَلَیْہ ایک ولئ کامِل اور پِیرِ کامِل بھی ہیں۔ آج بھی اعلیٰ حضرت رَحمۃُ اللہِ عَلَیْہ کے لاکھوں کروڑوں مرید دُنیا میں موجود ہیں اور جتنے عطاری ہیں وہ تو الحمد للہ! ہیں ہی رَضوی کہ امیر اہلسنت دَامَتْ بَرَکَاتُہُمُ الْعَالِیَہ اعلیٰ حضرت رَحمۃُ اللہِ عَلَیْہ کے واسطے سے ہی سلسلہ قادریہ میں بیعت کرتے ہیں۔ اور جو عاشقانِ رسول اعلیٰ حضرت رَحمۃُ اللہِ عَلَیْہ کے سلسلے میں بیعت نہیں ہیں ، وہ بھی عاشقِ اَعْلیٰ حضرت تو یقیناً ہیں کیوں کہ اعلیٰ حضرت رَحمۃُ اللہِ عَلَیْہ عشقِ رسول کی ، سُنِّیت کی پہچان ہیں۔

چونکہ اعلیٰ حضرت رَحمۃُ اللہِ عَلَیْہ ہمارے پِیر ہیں ، ہر عاشِقِ رسول کے دِل کی دھڑکن ہیں۔ لہٰذا آج ہم اعلیٰ حضرت ایک پِیرِ کامِلکے عنوان سے سیرتِ رَضا کے چند پہلو سننے کی سَعَادت حاصِل کریں گے۔ اللہ پاک ہم سب کو مَسْلَکِ اعلیٰ حضرت پر ثابت قدمی نصیب فرمائے ، عشقِ رضا پر ، محبتِ اَوْلیا پر اور بالخصوص عشقِ مصطفےٰ پر استقامت عطا فرمائے۔ آمِیْن بِجَاہِ خَاتَمِ النَّبِیّٖنَ صلی اللہُ عَلَیْہِ وَ آلِہٖ وَسَلَّم ۔

مجھے تم مَسلکِ احمدرضا پر استِقامت دو بنوں خدمت گزارِ اہلِ سنّت یارسولَ اللہ

صَلُّوْا عَلَی الْحَبیب! صَلَّی اللّٰہُ عَلٰی مُحَمَّد

[1]...وسائل بخشش ، صفحہ : 525۔

Important

Mobile Apps

Contact Us