Talib e Ilm e Deen Par Karam Ho Gaya

وغیرہ وغیرہ تمام صغیرہ وکبیرہ گناہوں کے بارے میں ضَروری اَحکام سیکھنا بھی فرض ہے تاکہ اِن سے بچا جا سکے۔^{(^[1])}

خدایا ہم اسلامی اَحکام سیکھیں بچائیں جو دوزخ سے وہ کام سیکھیں

پیارے اسلامی بھائیو! آج کل دُنیوی عُلُوم سیکھنے کا رُجْحان بہت بڑھ گیا ہے، بہت سارے مسلمان اپنے دُنیوی مستقبل کو سنوارنے کی خاطر طرح طرح کے دُنیوی عُلُوم سیکھتے اور اس کے لئے بہت محنت و مشقت اُٹھاتے ہیں۔ بےشک دُنیوی عِلْم سیکھنے کے دُنیوی طَور پر فائدے بھی ہیں اور دُنیوی عِلْم سیکھنے کو مطلقاً ناجائِز بھی نہیں کہا جا سکتا، البتہ دُنیوی عِلْم سیکھنے کے لئے کچھ شرائط ہیں، انہیں پُورا کرنا ضروری ہے۔ سیدی اعلیٰ حضرت، امامِ اہلسنت شاہ امام احمد رضا خان رَحمۃُ اللہِ عَلَیْہ فرماتے ہیں: *-وہ عُلُوم جن میں کفریات کی تعلیم ہو، ان کا پڑھنا حرام ہے *-ہاں! جائِز عُلُوم (جن میں اسلامی عقائد و تعلیمات کے خِلاف باتیں نہ ہوں، وہ عُلُوم) جائِز نوکری کے لئے پڑھنا جائِز ہے *-جبکہ ان میں ایسا مشغول نہ ہو کہ دِین کا ضروری عِلْم نہ سیکھ پائے، ورنہ وہ دُنیوی عِلْم جو فرض عِلْمِ دِین سیکھنے سے باز رکھے، حرام ہے *-اس کے ساتھ یہ بھی ضروری ہے کہ اپنے دِین و اَخْلاق پر اَثَر نہ پڑے *-اسلامی عقائد و خیالات پر ثابِت قدم اور مسلمانی وَضْع پر قائِم رہے، یہ سب شرائط پائی جائیں تو جائِز رِزْق حاصِل کرنے کے لئے جائِز دُنیوی عِلْم سیکھنے میں حرج نہیں۔^{(^[2])}

[1]...نیکی کی دعوت ، صفحہ:136۔

[2]...فتاویٰ رضویہ، جلد:23، صفحہ:709و708۔

Important

Mobile Apps

Contact Us