Book Name:Zoq e Ramzan Barqarar Rakhy
الـلّٰـه! الـلّٰـه! اے عاشِقانِ رسول! اندازه اولګوئ! مار زهرژن ځناور دے، دغه شان زمونږه ژبه هم خطرناك اندام دے، ژبه د 32 غاښونو په څوكئ كښې ساتلے شوې ده، د دې باوُجود دا په قابو كښې نه راځي، كله چې دا زهر را اوباسي نو صرف ځان نه هلاك كوي بلكه بعضې وخت اِيمان ته هم سخت نقصان رسوي.
زمونږ خوږ نبـي صَلَّى اللهُ عَلَيْهِ وَاٰلِهٖ وَسَلَّم فرمائي: انسان (په نيكو كولو) جنَّت ته نِزدې كيږي، تر دې چې د هغه او د جنَّت په مينځ كښې د يو ګز فاصله پاتې شي، بيا هغه بنده په خپله ژبه داسې لفظ ادا كړي چې د هغې په وجه هغه د جنَّت نه لرې كړے شي. [1]
خوږو او محترمو اسلامي ورونړو! تاسو اوليدل! ژبه څومره خطرناك څيز دے، الله پاك دې مونږ ته د ژبے حفاظت را نصيب كړي. د نَفْسِ اَمَّاره د اصلاح د پاره وړومبئ وسله كومه چې ډيره ضروري ده، هغه د خاموشئ خنجر دے، خاموشي اختيار كړئ، د ژبې صحيح استعمال اوكړئ، د وئيلو نه مخكښې د سوچ كولو عادت جوړ كړئ، اِنْ شَآءَ اللّٰہُ الْکَرِیْم! د نَفْسِ اَمَّاره اصلاح به اوشي او د رَمَضان شوق به مو برقرار پاتې شي.