Book Name:Zoq e Ramzan Barqarar Rakhy
اے عاشِقانِ رسول! كه مونږه په باقي 11 مياشتو كښې هم د رَمَضان شوق برقرار ساتل غواړو نو دا درې كارونه مستقل طور خپل كړئ. نمبر1 د خاموشئ خنجر.
زمونږ خوږ آقا مكي مَدَني مصطفٰى صَلَّى اللهُ عَلَيْهِ وَاٰلِهٖ وَسَلَّم فرمائي: كوم بنده چې په الله پاك او آخرت باندې اِيمان ساتي، هغه له پكار دي چې ښې خبرې اوكړي يا خاموشه پاتې شي. [1]
صحابـئ رسول حضرت اسوَد رَضِیَ اللهُ عَنْهُ فرمائي: ما د الله پاك آخري نبـي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم په خدمت كښې عرض اوكړو: يَـارَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! ماته نصيحت اوفرمائې! خوږ آقا صَلَّى اللهُ عَلَيْهِ وَاٰلِهٖ وَسَلَّم اوفرمائيل: آيا ته خپله ژبه په قابو كښې ساتلے شې؟ ما عرض اوكړو: يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! كه زه په خپله ژبه باندې هم قابو اونه ساتم نو په بل كوم څيز به ساتم؟ سردارِ انبياء، محبوبِ خُدا صَلَّى اللهُ عَلَيْهِ وَاٰلِهٖ وَسَلَّم اوفرمائيل: آيا ته په خپلو لاسونو قابو ساتلے شې؟ ما بيا عرض اوكړو: يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! كه زه په خپلو لاسونو باندې هم قابو اونه ساتم نو په بل كوم څيز به ساتم؟ بيا خوږ آقا صَلَّى اللهُ عَلَيْهِ وَاٰلِهٖ وَسَلَّم اوفرمائيل: بس په خپله ژبه هميشه ښې خبرې كوه او ستا لاسونه دې د خير نه علاوه بل طرف ته اوچت نه شي. [2]