د علـي شان په ژبه د نبـي ﷺ

كښينوئ، هغه دا چې د حضرت عَلِـىُّ المُرتَضٰى رَضِیَ اللهُ عَنْهُ هر قسمه محبت نجات وركوونكے نه دے، د محبتِ علـي د بعضې انداز هغه هم دے كوم چې د نجات وركولو په ځائ هلاك كوونكے دے، په حديثِ پاك كښې دي او د دې حديثِ پاك راوي هم پخپله مولا علـي رَضِیَ اللهُ عَنْهُ دے، فرمائي: يوه ورځ رسولِ كريم صَلَّى اللهُ عَلَيْهِ وَاٰلِهٖ وَسَلَّم زه را اوبللم، اوئې فرمائيل: اے علـي! په تا كښې د (الله پاك د نبـي) عيسٰى (عَلَيْهِ السَّلام) مثال دے (هغه داسې چې) حضرت عيسٰى عَلَيْهِ السَّلام سره يهودو بغض اوساتلو، تر دې چې د هغوئي په والده محترمه (حضرت مريم رَحْمَةُ اللهِ عَلَيْها) باندې ئې تهمَت اولګولو او د حضرت عيسٰى عَلَيْهِ السَّلام سره نصارٰى [يعني عيسايانو] محبت اوكړو نو حضرت عيسٰى عَلَيْهِ السَّلام ئې هغې درجے ته اُورَسَوَلو كومه چې د هغوئي عَلَيْهِ السَّلام نه وه.

د دې حديثِ پاك بيانولو نه پس شيرِ خُدا حضرت عَلِـىُّ المُرتَضٰى رَضِیَ اللهُ عَنْهُ اوفرمائيل: خلقو! واورئ! زما په باره كښې به دوه قِسمه خلق هلاك كيږي ① زما په محبت كښې زياتي كولو (يعني حد نه تيريدلو) والا، ما به په هغه صفاتو كښې زيات كړي كوم چې په ما كښې نشته او ② زما سره د بُغض ساتونكو بُغض به هغوئي په دې خبره راپار كړي چې په ما باندې بُهتان اولګوي.^{^[1]}

[1] ... مستدرک ، کتاب معرفۃ الصحابۃ، جلد:4، صفحہ:91، حدیث:4680۔

Important

Mobile Apps

Contact Us