اووئيل: تاسو ته څه ښكاري؟ اِمام قُشَيري رَحْمَةُ اللهِ عَلَيْه اوفرمائيل: آؤ! دا خلق ناست دي، زه ئې وينم. پيري اوئيل: د دې نه علاوه نور څه درته ښكاري؟ اوئې فرمائيل: نه. اوس مسلمان پيري د هغوئي په سترګو لاس كيښودل، بيا ئې لرې كړل او اوئې وئيل: اوس اوګوره! اِمام ابُو القاسِم قشيري رَحْمَةُ اللهِ عَلَيْه خلقو طرف ته اوكتل نو څه ويني چې د خلقو په سرونو تور تور كارغان ناست دي، د دې كارغانو ويښته اوږده اوږده دي او دې ويښتو د چا مخ پټ كړے دے، د چا د سترګو پورې دي، د چا د تندي پورې دي. امام قشيري رَحْمَةُ اللهِ عَلَيْه چې دا عجيبه منظر اوليدلو نو په حيرانتيا سره ئې تپوس اوكړو: دا څه مُعامَله ده؟ د هغه دوست پيري دا آيت اولوستلو:

وَ مَنْ یَّعْشُ عَنْ ذِكْرِ الرَّحْمٰنِ نُقَیِّضْ لَهٗ شَیْطٰنًا فَهُوَ لَهٗ قَرِیْنٌ(۳۶)    (پارہ:25،سورۂزخرف:36)

[مفهوم] ترجمۂ کَنْز العِرْفان:او څوك چې د رحمٰن د ذِكر نه مخ واړوي نو مونږه په هغه باندې يو شيطان مقرر كوو نو هغه د هغه ملګرے وي.

او اوئې فرمائيل: دا هغه شيطانان دي كوم چې په دوئي مسلَّط شوي دي. په دوئي كښې چې څوک غافله وي شيطان د هغه په سر د كارغه په شكل كښيني، كله چې هغه ذِكر كوي نو شيطان لرې كيږي.^[1]

     الله پاك دې مونږ ته د غفلت نه خلاصے رانصيب كړي. كاش! مونږه هر وخت په ذِكر او فِكر كښې مصروفه اوسيدونكي جوړ شو.    اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

صَـــلُّـــوْا  عَـــلَـی   الْــحَـــبِــيْــب!                                                                                      صَـلَّـی اللهُ   تَعالٰـی عَلـٰی   مُـحَـمَّد