موقعو مِلي به ته هڪدم موبائِل هٿ ۾ ۽ فيس بُڪ، يوٽيوب وغيره وغيره ۾ لڳي ويندا آهيون۔

ڪاش! اسان نيڪين جا حريص بڻجي وڃون۔ رمضان المبارڪ جو بابرڪت مهينو آهي، خُوب خُوب روزا به رکون ۽ باعظمت روزيدار بڻجڻ جي لاءِ ذِڪرُ الله جي ڪثرت به ڪريون۔

میری زَبان تر رہے ذِکر و دُرُود سے                      بے جا ہنسوں کبھی نہ کروں گفتگو فُضُول⁽[1]⁾

ڪثرت سان ذِڪر جو قرآني حڪم

الله پاڪ قرآنِ ڪريم ۾ فرمائي ٿو:

یٰۤاَیُّهَا الَّذِیْنَ اٰمَنُوا اذْكُرُوا اللّٰهَ ذِكْرًا كَثِیْرًاۙ(۴۱)  (پاره:22، سورۂ احزاب:41)         

ترجمو ڪنز الايمان: اي ايمان وارؤ! الله کي تمام گهڻو ياد ڪيو.

رسولِ اَڪرَم، نورِ مُجَسَّم صَلَّى اللّٰهُ عَلَيۡهِ واٰلِهٖ وَسَلَّم فرمايو: الله جو ذِڪر ايتري ڪثرت سان ڪيو جو ماڻهو توهان کي ديوانو چَون۔^([2])

هڪ انمول نصيحت

هڪ ڀيري سرڪارِ عالي وقار، مڪي مدني تاجدار صَلَّى اللّٰهُ عَلَيۡهِ واٰلِهٖ وَسَلَّم جي خدمت ۾ هڪ صحابي رَضِىَ اللهُ عنۡه حاضِر ٿي عرض ڪيو: اِنَّ شَرَائِعَ الْاِسْلَامِ قَدْ ڪَثُرَتْ عَلَيَّ يعني يا رسولَ الله صَلَّى اللّٰهُ عَلَيۡهِ واٰلِهٖ وَسَلَّم! بيشڪ اسلام جا احڪام مون تي گھڻا ٿي ويا آهن، ڪو اهڙو عمل ارشاد فرمايو! جنهن کي مان مضبوطي سان پڪڙي وٺان۔ الله پاڪ جي آخري نبي، رسول هاشمي صَلَّى اللّٰهُ عَلَيۡهِ واٰلِهٖ وَسَلَّم فرمايو: لَايَزَالُ لِسَانُڪَ رَطْبًا مِّنْ ذِڪْرِ اللّٰهِ عَزَّ وَجَلَّ يعني توهان جي زبان هميشه الله پاڪ جي ذِڪر سان تَر رهي۔^([3])