Book Name:Zikr Ullah Ki Adat Kesay Banayen
اَڪْثَرُهُمْ لِلهِ ذِڪْراً يعني جيڪو الله پاڪ جو ذِڪر ڪثرت سان ڪري ٿو، اُهو وڌيڪ عظمت وارو آهي، جيڪو الله پاڪ جو ذِڪر ڪثرت سان ڪري ٿو، اُهو وڌيڪ عظمت وارو آهي۔
يارِ غار ۽ يارِ مزار، يعني عاشقِ اڪبر، حضرت ابوبڪر صديق رَضِىَ اللهُ عنۡه حاضِر هئا، انهن حضرت عمر فاروقِ اعظم رَضِىَ اللهُ عنۡه کي مخاطَب ٿئي چيائون: اي عمر! هونئن ته ذِڪرُ الله ڪرڻ وارا تمام ڀلائيون ئي کڻي ويا...! پياري آقا، امامُ الانبيا، معراج واري مصطفيٰ صَلَّى اللّٰهُ عَلَيۡهِ واٰلِهٖ وَسَلَّم فرمايو: اَجَل هائو! (يعني اي ابو بڪر! بلڪل ايئن ئي آهي، جيڪو ذِڪرُ الله جي ڪثرت ڪري ٿو، اهو تمام ڀلائيون ميڙي وٺي ٿو)۔ ([1])
پيارا اسلامي ڀائرو! الحمد لله! رمضان المبارڪ آهي، نيڪين جي بهار ڀري مُند آهي، هن مهيني ۾ نفلن جو ثواب فرضن جي برابر ۽ فرضن جو ثواب 70 ڀيرا وڌايو وڃي ٿو ۽ اسان حديثِ پاڪ به ٻُڌي ته روزيدارن ۾ وڌيڪ عظمت وارو ڪير آهي؟ اهو جيڪو الله پاڪ جو ذِڪر ڪثرت سان ڪري ٿو، غور فرمايو! جيڪڏهن اسان روزو به رکون ۽ ان سان گڏوگڏ ذِڪرُ الله جي ڪثرت به ڪندا رهون ته ڪيتريون وڌيڪ نيڪيون ڪمائڻ ۾ ڪامياب ٿي وينداسين۔
ڪثرت سان ذِڪر نه ڪرڻ جا ڪجھھ سبب
پر افسوس! غفلت...! دِل ۾ درد ناهي * نيڪين جو حِرص نه هئڻ جي برابر آهي * آخرت جي فڪر بابت گھٽتائي آهي * فُضُوليات ۾ مصروف رهڻ جي عادَت آهي * دُنيا جي محبت ڄڻ دِل ۾ وڌي چڪي آهي * هر وقت بس دُنيوي سوچن ئي ۾ مَصرُوف رهون ٿا * فضول ڳالهيون ٻڌڻ ۽ ڳالهائڻ جي اهڙي عادت پئي آهي جو بَس الله پاڪ جي پناھ! * غيبت * چغلي * ڪوڙ ٻيو خبر ناهي ڪهڙا ڪهڙا گُنَاھ هي زبان اسان کان ڪرائيندي رهي ٿي، وڌيڪ رهي سهي ڪسَر سوشل ميڊيا ڪڍي ڇڏي آهي، ڪڏهن اڪيلائي ۾ ويهڻ جو