روزو نه ٽوڙڻ واريون شيون

اي عاشقانِ رسول! * ڀُل ۾ کاڌو، پيتو يا جماع ڪيو روزو فاسد نه ٿيو. توڙي اهو روزو فرض هجي يا نفل. * روزو ياد هجڻ جي باوجود به مک، مٽي يا دز يا دونهون نِڙيءَ ۾ هلي وڃڻ سان روزو نه ٽُٽندو۔ * توڙي دز اَٽي جي هجي جيڪا چڪي پيسجڻ يا اٽو ڇاڻڻ ۾ اڏامندي آهي يا اناج جي دز هجي يا هوا سان خاڪ اڏامي يا جانورن جي کُرن يا گھوڙي جي سُنب مان۔ * اهڙيءَ طرح بس يا ڪار جو دونهون يا ان مان دز اڏامي نِڙيءَ ۾ پهتي جيتوڻيڪ روزيدار هجڻ ياد هيو ته به روزو نه ويندو۔  * : اگربتي ٻَري رهي آهي ان جو دونهون نڪ ۾ ويو ته روزو نه ٽُٽندو۔ ها جيڪڏهن لوبان يا اگربتي ٻَري رهي آهي ۽ روزو ياد هئڻ جي باوجود منهن ويجهو کڻي وڃي ان جو دونهون نڪ سان سنگهيو ته روزو فاسد ٿي ويندو۔  * غسل ڪيو ۽ پاڻي جي ٿڌاڻ اندر محسوس ٿي تڏهن به رزو نه ٽُٽندو۔ * گرڙي ڪئي ۽ پاڻي بلڪل هاري ڇڏيو رُڳو ڪجھ آلاڻ وات ۾ باقي رهجي ويئي هئي ٿُڪ سان گڏ ان کي ڳيهي ويو، روزو نه ٽُٽندو۔ * دوا ڪٽي ۽ نِڙيءَ ۾ ان جو مزو محسوس ٿيو ته روزو نه ٽُٽندو۔ * ڪن ۾ پاڻي هليو ويو تڏهن به روزو نه ٽُٽندو بلڪه پاڻ پاڻي وِڌو تڏهن به روزو نه ٽُٽندو۔  * ٿُڪ يا بلغم وات ۾ آيو پوءِ ان کي ڳيهي ويو ته روزو نه ويو۔

 * مک نِڙيءَ ۾ هلي ويئي ته روزو نه ٽُٽو ۽ ڄاڻي واڻي ڳيهي ڇڏيو ته روزو ٽُٽي ويو.          

ماھِ رمضان جي فضائل ۽ روزي جي متعلق تفصيلي معلوماتي احڪام ڄاڻڻ جي لاءِ شيخ طريقت، اميراهلسنت جي ماياه ناز ڪتاب فيضان رمضان پڙهو   الله پاڪ اسان کي عمل جي توفيق عطا فرماءِ۔   اٰمِیْن بِجَاہِ خَاتَمِ النَّبِیّٖنَ صَلَّى اللّٰهُ عَلَيۡهِ واٰلِهٖ وَسَلَّم

صَلُّوا عَلَي الحَبيب!                                                 صَلَّي اللّٰه عَلٰي مُحَمَّد