دوران سُستي کان بچندس * پنهنجي اِصلاح جي لاءِ بيان ٻُڌندس * جيڪو ٻُڌندس، اهو ٻين تائين پهچائڻ جي ڪوشش ڪندس۔

صَلُّوا عَلَي الحَبيب!                                                 صَلَّي اللّٰه عَلٰي مُحَمَّد

عظمت وارو روزيدار ڪير؟

حضرت سهل بن مُعَاذ رَضِىَ اللهُ عنۡه پنهنجي والد صاحب کان روايت ڪن ٿا: هڪ ڀيري محفلِ نُور لڳل هئي، رسولِ اڪرم، نورِ مُجَسَّم صَلَّى اللّٰهُ عَلَيۡهِ واٰلِهٖ وَسَلَّم تشريف فرما هئا، صحابي سڳورا عَلَيۡهِمُ الرِّضْوَان پڻ حاضِر هئا، هڪ صحابي رَضِىَ اللهُ عنۡه بارگاھ رسالت ۾ حاضِر ٿي عرض ڪيو: يا رسولَ الله صَلَّى اللّٰهُ عَلَيۡهِ واٰلِهٖ وَسَلَّم! جهاد ڪرڻ وارن ۾ وڌيڪ عظمت وارو ڪير آهي؟ پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم فرمايو: اَڪْثَرُهُمْ لِلهِ ذِڪْراً  يعني جيڪو الله پاڪ جو ڪثرت سان ذِڪر ڪري ٿو، اهو وڌيڪ عظمت وارو آهي. صحابي سڳوري رَضِىَ اللهُ عنۡه ٻيو سوال ڪيو: يا رسولَ الله صَلَّى اللّٰهُ عَلَيۡهِ واٰلِهٖ وَسَلَّم! روزيدارن ۾ وڌيڪ عظمت وارو ڪير آهي؟ (مثال طور 100 ماڻهو آهن ۽ 100 جي 100 ڄڻن ئي روزو رکيو آهي، انهن مان وڌيڪ عظمت وارو ڪير آهي؟) پياري نبي، رسولِ هاشمي صَلَّى اللّٰهُ عَلَيۡهِ واٰلِهٖ وَسَلَّم فرمايو: اَڪْثَرُهُمْ لِلهِ ذِڪْراً يعني جيڪو الله پاڪ جو ذِڪر ڪثرت سان ڪرڻ وارو آهي، هو وڌيڪ عظمت وارو آهي۔

(اللهُ اَڪْبَر! بُک سڀئي برداشت ڪري رهيا آهن، اُڃ سڀئي برداشت ڪري رهيا آهن، روزو سڀني جو ئي آهن، ان جي باوُجُود جيڪو روزيدار الله جو ذڪر وڌيڪ ڪثرت سان ڪري رهيو آهي، اهو وڌيڪ عظمت وارو آهي)

حضرت سهل بن مُعاذ رَضِىَ اللهُ عنۡه فرمائن ٿا: اهي صحابي رَضِىَ اللهُ عنۡه ايئن سوال ڪندا ويا، مثال طور يا رسولَ الله صَلَّى اللّٰهُ عَلَيۡهِ واٰلِهٖ وَسَلَّم! نمازين ۾ وڌيڪ عظمت وارو ڪير آهي؟ زڪوٰة ڏيڻ وارن ۾ وڌيڪ عظمت وارو ڪير آهي؟ ايئن هڪ هڪ عبادت جي باري ۾ سوال ڪندا ويا، ۽ پياري آقا، ٻنهي جھانن جي داتا صَلَّى اللّٰهُ عَلَيۡهِ واٰلِهٖ وَسَلَّم انهن سڀني سوالن جو هڪ ئي جواب ارشاد فرمائيندا رهيا: اَڪْثَرُهُمْ لِلهِ ذِڪْراً،