ڪرڻ، نماز پڙھڻ مستحب آهي، لهٰذا مغرب کان بعد اوَّابين جا نفل ادا ڪريو * اهڙي طرح رات جو  وُضُو ڪري سمهو، بستر تي اچڻ کان پهريان يا بستر تي ليٽي ئي ڪجھ دير ذِڪرُ الله ڪريو، تسبيحِ فاطمه پڙھو، سورت اِخلَاص پڙھي وٺو، سورت فَاتحه ۽ آيةُالڪرسي پڙھو۔ حديثِ پاڪ ۾ آهي: جيڪو شخص وُضو ڪري بستر تي ليٽي، الله پاڪ جو ذِڪر ڪندو رهي، ڪندو رهي، ايستائين جو ننڊ اچي وڃي، رات ۾ جڏهن به ڪا دُعا گھري، الله پاڪ ان جي دُعا قبول فرمائيندو * پوءِ جڏهن ننڊ مان بيدار ٿئي ته دُعا پڙھي * اهڙي طرح ڏينهن ۽ رات ۾ ڪيل مختلف ڪمن مثال طور گھر ۾ اچڻ وڃڻ، کائڻ کارائڻ، ڪپڙا پائڻ وغيره جون دُعائون ياد ڪري وٺو، انهن کي پڙهندا رهو۔

علّامه اِبنِ رجب حنبلي رَحۡمَةُ اللهِ عَلَيۡه فرمائن ٿا: جيڪو شخص هي عادَت بڻائي وٺي، ان جو شُمار ذِڪرُ الله سان زبان تَر رکڻ وارن ۾ ٿيندو۔^([1])

12 ديني ڪمن مان هڪ ديني ڪم:  نيڪ اعمال

 اي عاشقانِ رسول! نيڪين جو حِرص وڌائڻ، گُنَاهن کان بچڻ ۽ ذِڪرُ الله جي عادَت بنائڻ جي لاءِ عاشقانِ رسول جي ديني تحريڪ دعوتِ اسلامي جي ديني ماحول سان وابسته ٿي وڃو ۽ ذيلي حلقي جي 12 ديني ڪمن ۾ به خوب وڌي حصو وٺو۔ اِنْ شَآءَ الله الْڪَرِيْم! دين و دُنيا جون کوڙ برڪتون نصيب ٿينديون۔

ذيلي حلقي جي 12 ديني ڪمن مان هڪ ديني ڪم نيڪ اعمال به آهي۔ الحمد لله! شيخِ طريقت اميرِ اهلسنت دَامَتْ بَرَکاتُهمُ الْعَالِيه نه صرف پنهنجي مُريدن کي بلڪ سڄي دُنيا جي عاشقانِ رسول کي، اسلامي ڀينرن کي، جامعة المدينه ۽ مدرسة المدينه ۾ پڙھڻ وارن ۽ وارين کي، اسپيشل پرسنز (يعني گونگن، ٻوڙن ۽ نابينن) کي، حج و عمره جي سعادت ماڻيندڙن خوش نصيبن کي، ايستائين جو جيل جي قيدين کي به پنهنجي اِصلاح جي لاءِ بهترين نسخو ڏنو آهي ۽ اهو آهي: رساله نيڪ اَعمَال. اوهان به جيبي سائز جو هي مختصر رِسالو مڪتبة المدينه تان خريد