يادِ اِلٰهي ۽ ان جا طريقا

Al Quran Books Madani Channel

Magazine Courses Media

پيارا اسلامي ڀائرو! معلوم ٿيو ذِڪرُ الله جون فضيلتون کوڙ آهن، ان سان گڏوگڏ ذِڪرُ الله مَشَقّت ڀري عبادت به آهي، جيڪڏهن اسان ذِڪرُ الله جي عادَت اپنائڻ چاهيون ٿا ته هن جي لاءِ اسان کي گھڻو ڪجھ ڇڏڻو به پوندو * فُضُول ڳالهائڻ کان زبان کي روڪڻو پوندو * بُري صحبت به ڇڏڻي پوندي * جيڪي پان، گٽڪو وغيره کائن ٿا، انهن کي پان گٽڪي کان ڇوٽڪارو حاصِل ڪرڻو پوندو * سوشل ميڊيا جو استعمال صرف ۽ صرف ضرورت جي لاءِ ڪرڻو پوندو، اهڙين سڀني فُضُوليات جي قرباني ڏيڻي پوندي، تڏهن ئي ته ذِڪرُ الله جي طرف تَوَجُّھ رهندو، پوءِ ئي ڪٿي وڃي هميشه ذِڪر ۽ فِڪر ۾ مشغول رهي سگھنداسين۔

الحمد لله! شيخِ طريقت، امير ِاهلست دَامَتْ بَرَکاتُهمُ الْعَالِيه نيڪين جو بيمثال جذبو رکن ٿا، هڪ ڀيري پاڻ عمامو شريف ٻڌي رهيا هئا، ان دوران سندن مبارڪ چَپ چُري رهيا هئا، پڇڻ تي فرمايائون: مان الله، الله پڙھي رهيو آهيان، ته جيئن عِمَامو ٻڌڻ سان گڏوگڏ ذِڪرُ الله به ٿيندو رهي۔ شيخِ طريقت، امير ِاهلست دَامَتْ بَرَکاتُهمُ الْعَالِيه هڪ ڀيري مدني مذاڪري ۾ فرمايائون: پان اينٽي (ابتڙ) ذِڪر ۽ درود آهي (يعني پان وات ۾ رکي ذِڪر نٿو ٿي سگھي)، ان ڪري مان پان ناهيان کائيندو.

سُبْحٰنَ الله! الله پاڪ جي نيڪ ٻانهن جون ادائون ئي نراليون هونديون آهن۔ الله پاڪ اسان کي به توفيق بخشي، اسان فضوليات کان بچون، زبان کي فضول گوئي کان بچايون، پان وغيره جي عادَت آهي ته ان مان ڇوٽڪارو حاصل ڪيون ۽ هر وقت ذِڪرُ الله ۾ مَصرُوف رهڻ جي عادت اپنايون.

ذِڪرُ الله جي ڪثرت جي لاءِ

عَلّامه ابنِ رجب حنبلي رَحۡمَةُ اللهِ عَلَيۡه ڏينهن جو اڪثر حِصّو ذِڪرُ الله ڪندي گذارڻ جو تمام پيارو نسخو ڏنو آهي، اچو! هن جو خُلاصو ٻڌون ٿا:

Important

Mobile Apps

Contact Us