لڳائي رکڻ ۽ والدين جي بي عزّتي جو سبب نه بڻجڻ، هي ٽي صفتون ڪيتريون اعليٰ ۽ پسنديده آهن جو انهن وصفن واري شخص کي الله پاڪ بلند مقام عطا فرمايو ۽ اهو عرشِ اِلٰهي جي نُور ۾ ويڙهيل ڏٺو ويو۔ الله پاڪ اسان کي به اهي ٽئي وصفون اپنائڻ جي توفيق نصيب فرمائي۔

جنّت ۾ باغ لڳائڻ جو طريقو

حضرت ابو سليمان داراني رَحۡمَةُ اللهِ عَلَيۡه فرمائن ٿا: جنّت ۾ خالي زمين آهي۔ جڏهن ڪو شخص ذِڪرُ الله ڪري ٿو ته ملائڪ ان جنّتي زمين ۾ ان جي لاءِ باغَ لڳائڻ شروع ڪندا آهن، اهو شخص جيستائين ذِڪر ڪندو رهي ٿو، ملائڪ باغ لڳائيندا رهن ٿا، جڏهن ٻانهو رڪجي ويندو آهي ته ملائڪ پڻ رُڪجي ويندا آهن۔^([1])

الله پنهنجي ذاڪر جو ذِڪر فرمائي ٿو

سيپاري: 2، سُورۂ البَقَرَه، آيت: 152 ۾ اِرشاد آهي:

فَاذْكُرُوْنِیْۤ اَذْكُرْكُمْ وَ اشْكُرُوْا لِیْ وَ لَا تَكْفُرُوْنِ۠(۱۵۲)  (پاره:2، سورۂ بقره:152)

ترجمو ڪنز الايمان: پوءِ توهان مون کي ياد ڪريو، مان توهان کي ياد ڪندس ۽ منهنجو شڪر ادا ڪريو ۽ منهنجي ناشڪري نه ڪريو.

تفسير نعيمي ۾ آهي: هن آيت سڳوري جو خُلاصو هي آهي * ته اي انسانو! منهنجو ذِڪر ڪيو! هن جو نتيجو اهو ٿيندو جو سڄي جھان ۾ توهان جو چرچو ٿيندو * توهان اطاعَت ذريعي مون کي ياد ڪيو! مان توهان کي رحمت سان ياد ڪندس * توهان مون کي دُعا سان ياد ڪيو! مان توهان کي عطا سان ياد ڪندس * توهان مون کي حمد ۽ ثنا سان ياد ڪيو! مان توهان کي نعمت سان ياد ڪندس * توهان مون کي دُنيا ۾ ياد ڪيو! مان توهان کي آخرت