Zikr Ullah Ki Adat Kesay Banayen

Al Quran Books Madani Channel

Magazine Courses Media

لَایَزَالُ لِسَانُکَ رَطْبًا مِّنْ ذِکْرِ اللّٰہِ عَزَّوَ جَلَّ یعنی تمہاری زبان ہمیشہ اللہ پاک کے ذِکْر سے تَر رہے۔ ^{(^[1])}

مشہور مفسرِ قرآن ، حکیم الاُمَّت مفتی احمد یار خان نعیمی رَحمۃُ اللہِ عَلَیْہ اس حدیثِ پاک کی شرح میں فرماتے ہیں : غالباً سائِل (یعنی سوال پوچھنے والے صحابی رَضِیَ اللہُ عنہ ) کا سوال نوافِل کے متعلق تھا(کہ یارَسُوْلَ اللہ صلی اللہُ عَلَیْہِ وَ آلِہٖ وَسَلَّم ! نفل عبادات بہت ساری ہیں ، ان میں سے کوئی ایک عبادت بتا دیجئے جسے میں مضبوط تھام لوں) ، اس پر پیارے آقا ، مکی مدنی مصطفےٰ صلی اللہُ عَلَیْہِ وَ آلِہٖ وَسَلَّم نے یہ جواب دیا ، مقصد یہ ہے کہ ہر وقت زبان پر کوئی ذِکْرُ اللہ جاری رہے۔ اللہ پاک ایسی زِندگی نصیب کرے۔ ^{(^[2])} آمِیْن بِجَاہِ خَاتَمِ النَّبِیّٖن صلی اللہُ عَلَیْہِ وَ آلِہٖ وَسَلَّم ۔

حضرت مُعَاذ رَضِیَ اللہُ عنہ کے لئے آخری نصیحت

پیارے آقا ، مکی مدنی مصطفےٰ صلی اللہُ عَلَیْہِ وَ آلِہٖ وَسَلَّم کے بہت پیارے صحابی ہیں : حضرت مُعاذ بن جبل رَضِیَ اللہُ عنہ ۔ آپ فرماتے ہیں : اللہ پاک کے آخری نبی ، رسولِ ہاشمی صلی اللہُ عَلَیْہِ وَ آلِہٖ وَسَلَّم کی ظاہری حیات میں میری آپ سے جو آخری ملاقات ہوئی ، اس وقت میں نے عرض کیا : یارسولَ اللہ صلی اللہُ عَلَیْہِ وَ آلِہٖ وَسَلَّم ! کون سا عَمَل سب سے بہتر اور اللہ پاک کا زیادہ قُرب دِلانے والا ہے؟ اللہ پاک کے رسول ، رسولِ مقبول صلی اللہُ عَلَیْہِ وَ آلِہٖ وَسَلَّم نے فرمایا : اَنْ تَمُوتَ وَلِسَانُکَ رَطْبٌ مِّنْ ذِکْرِ اللہِ یعنی اے معاذ! تمہیں موت اس حال میں آئے کہ تمہاری زبان ذِکْرُ اللہ سے تر ہو۔ ^{(^[3])}

[1]...ابن ماجہ ، کتاب الادب ، باب فضل الذکر ، صفحہ : 608 ، حدیث : 3793۔

[2]...مرآۃ المناجیح ، جلد : 3 ، صفحہ : 321۔

[3]...شعب الایمان ، جلد : 1 ، صفحہ : 393 ، حدیث : 516۔

Important

Mobile Apps

Contact Us