Book Name:Qabren Pegham-e-Fana Deti Hain
په قبر کښې په کار راتلونکے څلورم عمل: ذکرِ الٰهی
اے عاشقانِ رَسُول! په قبر کښې څلورم په کار راتلونکے عمل ذِکرُ الله کول دي: زمونږه خوږ آقا مكِّـى مَدَنـى مُصطَفىٰ صَلَّى اللهُ عَلَيْهِ وَاٰلِهٖ وَسَلَّم اِرشاد فرمائي: چې کله هُم خلق د الله پاک د ذِکر د پاره جمع شي نو فرښتے هغوئي پټ کړي۔ د الله پاک رحمت هغوئي په خپله غيږه کښې واخلي او په هغوئي سکينه [سکون، اطمينان] نازليږي. ([1])
د ذِکرُ الله د کثرت کولو ډيرې ډيرې فائدے دي، د ذِکرُ الله کثرت سره په زړه کښې نُور پيدا کيږي۔ د ذِکرُ الله کثرت سره د الله پاک قُرب حاصليږي، د ذِکرُ الله کثرت سره ګناهونه معاف کيږي، کثرت سره ذِکرُ الله کول د انبیائے کرامو عَـلَـيْهِمُ السَّلَام سُنّت دي۔ د ذِکرُ الله کثرت سره د زړه زنګ لرې کيږي۔ د ذِکرُ الله کثرت سره په دُنيا کښې امن نصيب کيږي او د ذِکرُ الله کثرت سره قبر روښانه کيږي۔
اللہ پاک دِ مونږ ته کثرت سره د ذِکرُ الله کولو توفيق رانصيب کړي۔ اٰمِین بِجَاہِ خاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
په قبر کښې نقصان ورکوونکي څلور اعمال
خوږو او مُحترمو اسلامي ورونړو! د حضرتِ سَيِّدُنا فقيه ابو اللَّيث سمرقندي رَحْمَةُ اللهِ عَلَيْه د بيان مطابق څلور بد عملونه هٰغه دي کوم چې د قبر د عذاب سبب ګرځي، مونږ ټولو له پکار دي چې بالخصوص د دې ګناهونو نه او بالعموم د هرې ګناه نه د ځان ساتلو پوره پوره کوشش کوو.