Book Name:Qabren Pegham-e-Fana Deti Hain
خوږو او مُحترمو اسلامي ورونړو! معلومه شوه چې څوک په خپلو ګناهونو پښيمانه شي او د الله پاک نه بخښنه اوغواړي نو رَبِّ کريم د هغه توبه قبلوي او د هغه بخښنه کوي۔
د قبر د ويرې نه بچ کوونکي کارونه
فَقِیه اَبُواللَّیث سمرقندی رَحْمَةُ اللهِ عَلَيْه فرمائي: څوک چې د قبر د تنهائی او ويرې نه بچ کيدل غواړي هغه له پکار دي چې څلور کارونه اختيار کړي او څلورو کارونو نه ځان ساتي۔ څوک چې هُم داسې اوکړي هغه به د قبر د تنهائی او ويرې نه بچ شي.
هٰغه څلور کارونه کوم چې کول دي: ❶: لـمونځ❷: صَدَقه❸: تلاوتِ قرآن ❹: ډير ډير ذِکْرُ الله، د دې څلورو نیکو اَعمَالو په برکت به د هغه قبر روښانه او فراخه شي۔
هٰغه څلور کارونه د کومو نه چې بچ کيدل دي:❶: دورغ ❷: خیانت ❸: چُغلي ❹: د متيازو څاڅکي۔([1])
قبر کښې په کار راتلونکے وړومبے عمل
اے عاشقانِ رَسُول! په قبر کښې وړومبے په کار راتلونکے عمل لـمونځ دے:
د مسلمانانو د پاره د ټولو نه وړومبے فرض لـمونځ دے خو افسوس! چې زمونږه جُماتونه شړ پراته دي، يقيناً ”لـمونځ د دِين ستن ده.“
(كَنْزُ الْعُمَّال، كتاب الصلاة الفصل الثانـى فِـى فضائل الصلاة، الحديث: ١٨٨٨٥، ج٧، ص١١٥)
لـمونځ د الله تعالٰى د رضا سبب دے، د لـمانځه په سبب رحمت نازليږي، د لـمانځه په ذريعه ګناهونه معاف كيږي، لـمونځ د بيمارو نه بچ كول كوي، لـمونځ د دُعاګانو د قبليدو سبب دے. (كَنْزُ الْعُمَّال،الحديث:١٩٠٣٦، ج٧ ص١٢٧)