ده چې هغه به شړ شي، بيا به تاسو تنګ قبر ته کوز کړے شئ، پس د چا سره به چې د نيکو اعمالو توښه وي د هغه قبر به د جَنَّت د باغونو نه يو باغ جوړيږي خو کوم نادان چې به د نيکو ذخيره جمع کولو کښې ناکامه پاتې شوے وي، د هغه قبر به د دوزخ د کندو نه يوه کنده جوړه کړے شي۔ اے ورونړو! زر کوئ نيک اعمال جمع کړئ۔۔۔!^([1])

د قبر تياري اوکړئ۔۔۔۔!

      اے عاشقانِ رَسُول! واقعي مرګ ډير نزدې دے، هيڅ معلومه نه ده چې مَلَك ُ الْمَوت عَـلَيْـهِ الـسَّـلَام درنګ ساعت له تشريف راوړي او مونږه د مرګ په خوب اُوده کړي.

      عَلَّامه اِبنِ جوزي رَحْمَةُ اللهِ عَلَيْه فرمائي: اے وروره! که دا معلومول غواړې چې د مرګ نه پس به په قبر کښې ستا څه حال وي نو د دې د پاره قبرستان ته لاړ شه! هلته موجودو قبرونو ته اوګوره او غور و فکر اوکړه، بيا په خيالونو خيالونو کښې اوګوره چې ته په توره تِياره قبر کښې پروت ئې، بيا غور اوکړه چې په قبر کښې تا ته د کوم څيز ضرورت دے؟ يقيناً ستا ضمير به وائي چې ما ته دا وخت د نيکو اعمالو ضرورت دے، بيا دا سوچ اوکړه چې که تا له اوس مرګ راشي نو آيا تا سره په قبر کښې په کار راتلونکي اعمال شته دے؟ که ستا حالت داسې وي چې ستا سره دومره نيک اعمال موجود دي چې د هغې په وجه به ته د قيامته پورې په قبر کښې په سکون سره اوسې او ته په خپل هُم دې حالت باندې مړ کيدلو د پاره تيار ئې نو بيا ته په خپل هُم دې حالت باندې قائم اوسه او اِستِقامت سره نيک اعمال کوه او که داسې نه وي او ستا اعمال په قبر کښې په کار راتلونکي نه دي بلکه ستا اعمال د قبر په عذاب کښې اخته کوونکي دي نو د الله پاک په بارګاه کښې ټِيټ شه۔۔۔۔! او فوراً توبه اوکړه او د خپل قبر تياري شروع کړه۔۔۔۔! ^([2])