Book Name:Shab e Baraat kese Guzaren
دوزخ نه د آزادئ چيټئ
اَمِيرُ المُؤمِنِين، حضرت سَيِّدُنا عُمر بن عبدُالعزيز رَحْمَةُ اللهِ عَلَيْه يو ځل د شَعْبَانُ الْمُعَظَّم په پينځلسمه شپه يعنې په شبِ بَراءَت كښې په عِبادت كښې مصروف وو. چې سر ئې اوچت كړو نو يوه شنه چيټئ ئې اوليده چه د هغې نُور تر اسمانه پورې خور شوے وو، په هغې ليكلے شوي وو: ھٰذہٖ بَرَاءَۃٌ مِّنَ النَّارِ مِنَ الْمَلِکِ الْعَزِیْزِ لِعَبْدِہٖ عُمَرَ بْنِ عَبْدِالْعَزِیْز يعنې ”د خدائے مالك او غالِب له طرفه دا د دوزخ د اور نه د آزادئ چيټئ ده چې د هغه بنده عُمر بن عبدُ العزيز ته عطا شوه.‘‘[1]
سُبْـحٰـنَ الـلّٰـه! خوږو او محترمو اسلامي ورونړو! په دې واقعه كښې د اَمِيرُ المُؤمِنِين، حضرت سَيِّدُنا عُمرُبنُ عُبدُ العزيز رَحْمَةُ اللهِ عَلَيْه د عظمت او فضيلت اِظهار دے، او ورسره ورسره پکښې د شبِ بَراءَت د عَظَمت او بُزُرګئ اِظهار هم دے. كاش چې مونږ ته هم په شبِ بَراءَت كښې د ډىر عبادت كولو توفيق رانصيب شي او په دې شپه د بخښونكو په فهرست كښې مونږ ګناهګاران هم شامِل شو. الله پاك دِ مونږ ټول اوبخښي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
په شبِ براءت كښې د كولو يو څو كارونه
خوږو او محترمو اسلامي ورونړو! شبِ براءت ډيره مبارکه شپه ده، په دې شپه اديرې ته تلل او هلته فاتحه لوستل د مسلمانانو په معمولاتو کښې دي، دغه شان د نيکانو خلقو مزارونو ته حاضريدل هُم د برکت باعث دي۔ مشهور مُفسّرِ قرآن، حكيمُ الاُمَّت