خوږو او محترمو اسلامي ورونړو! يو يو ساعت مونږه مرګ ته نزدې كوي، صبا د شعبان پينځلسمه شپه ده، خو د ژوند څه پته، معلومه نه ده چې مونږه به د شعبان پينځلسمه شپه حاصلولو كښې كامياب شو او که نه د هغې نه مخكښې به د قبر تيارو ته كوز شو. الله پاك دِ مونږ ته د نيكو اوګږد ژوند را عطا كړي. كه ژوند وفا اوکړه او مونږه د شعبان پينځلسمې شپې ته رسيدو كښې كامياب شو نو نِيَّت اوكړئ چې پټاخو خلاصولو او آتش بازئ کولو باندې د د وخت او پيسو بربادولو په ځائے به اِنْ شَآءَ اللّٰہُ الْکَرِیْم! د شعبان پينځلسمه شپه په نيكو كښې تيروو. الله پاك دِ مونږ ته د عمل كولو توفيق رانصيب كړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

د 15 شعبان روژه اونيسئ! 

     د مسلمانانو څلورم خليفه اَمِیْرُ الْمُؤْمِنِیْن، حضرت عَلِـىُّ المُرتَضٰى رَضِیَ اللهُ عَنْهُ نه روايت دے چې د نبـي كريم صَلَّى اللهُ عَلَيْهِ وَاٰلِهٖ وَسَلَّم فرمان مبارك دے: چې كله د پينځلّسم شعبان شپه راشي نو په دې كښې قيام (يعني عبادت) اوكړئ او د ورځې روژه اونيسئ.^[1]

د اَمِيرِ اهلِسُنَّت دَامَـتْ بَـرَكَـاتُـهُـمُ الْـعَـالِـيَـهْ يو څو نصيحتونه

      د دې حديثِ پاك ذِكر كولو نه پس شيخِ طريقت اَمِیرِ اهلسنّت دَامَـتْ بَـرَكَـاتُـهُـمُ الْـعَـالِـيَـهْ

فرمائي: په شبِ بَراءَت كښې اعمال نامې بدليږي كه مُمكِنَه وي نو د 14 شَعبَانُ المُعَظَّم روژه هم اونيسئ چې د اعمال نامې په اَخرئ ورځ هم روژه وي. په 14 شَعبَان د مازيګر لمُونځ په جمات كښې د جَمعې سره ادا كړئ او هم هلته نفلي اِعتكاف اوكړئ او د ماښام د لمَانځه د وخت د انتِظار په نيت په جمات كښې حصار شئ چې د اعمال نامو بدليدلو په آخري وخت كښې په جمات كښې د حاضرئ، د اِعتِكاف او د لمَانځه د انتظار وغيره ثواب اوليكلے شي. الله پاك دِ رانصيب كړي چه  ټوله شپه په عبادت كښې تيره کړو.