Book Name:Shab e Baraat kese Guzaren
كښې به ئې اِستِغفار (يعني د الله پاك په بارګاه كښې د بخښنې سُوال) كولو او په دريمه حصّه كښې به ئې نفلونه کول۔
د هغوئي نه تپوس اوكړے شو: داسې كوونكو د پاره څه ثواب دے؟ اوئې فرمائيل: ما د خپل والِد (يعني د مسلمانانو څلورم خليفه حضرت علـي رَضِیَ اللهُ عَنْهُ) نه اوريدلي دي چې نبـي كريم صَلَّى اللهُ عَلَيْهِ وَاٰلِهٖ وَسَلَّم فرمائي: څوك چې د شعبان پينځلسمه شپه ژوندئ كړي (يعني دا شپه په عبادت كښې تيره كړي) هغه د الله پاك د مُقَرَّبو بندګانو په فهرست كښې ليكلے كيږي.[1]
خوږو او محترمو اسلامي ورونړو! د افسوس خبره دا ده چې اوس زمونږه حال ښه نه دے. افسوس! اوس خلق د شَعْبَانُ المُعَظَّم په دې شپه پټاخے خلاصوي، ډزې كوي، وخت او پيسه دواړه بربادوي، په كوڅو كښې شور كوي او پته نه لګي چې څنګه څنګه فضولو بلکه د ګناهونو ډکو کارونو کښې اخته شي او د بخښنې دا شپه د الله پاك او د هغه د رسول په نافرمانئ كښې تيروي.
الله پاك دِ مونږ ټول د ګناهونو نه اوساتي، په اِخلاص او د زړه په مينه دِ د عبادت كولو توفيق راكړي. يقين اوكړئ! د الله پاك او د هغه د رسول نافرماني په دُنيا او آخرت كښې د ذِلَّت وجه ده. حضرت اِمام حَسَن بصري رَحْمَةُ اللهِ عَلَيْه به فرمائيل: اے د آدم ځويه! هلاك شې! آيا ته د الله پاك سره مقابله كول غواړې؟ آؤ! آؤ! چا چې د الله پاك نافرماني اوكړه لکه هغه چې د الله پاك سره جنګ اوكړو.[2]