شپه ده چې په دې كښې د رحمت 300 دروازے بيرته كيږي، په دې شپه * د الله پاك سره شريك ګرځوونکو * په خپل مينځ كښې بُغض او كينه (یعنی په زړه كښې دُښمني) ساتونکو * شرابیانو * او بدكارو خلقو نه علاوه د ټولو بخښنه كيږي.

     زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم  جنَّتُ الْبَقِيْع (يعني د مدينے مُنَوَّرے اديرې) ته تشريف يوړلو او سر مبارك ئې په سجده كښې كيښودو، او داسې دُعا ئې اوغوښتله: اَعُوْذُ بِعَفْوِكَ مِنْ عِقَابِكَ وَاَعُوْذُ بِرِضَاكَ مِنْ سَخَطِكَ وَ اَعُوْذُبِكَ مِنْكَ جَلَّ ثَنَاءُكَ لَا اَبْلُغُ الثَّنَاءَ عَلَيْكَ اَنْتَ كَمَا اَثْنَيْتَ عَلٰى نَفْسِكَ

     ترجمه:  اے الله پاكه! زه ستا د عذاب نه ستا د مُعافَـئ، ستا د ناراضئ نه ستا د رضا، او ستا [د غضب او ناراضئ] نه ستا پناه غواړم. (اے الله پاكه!) ستا تعريف اوچت دے، زه ستا د تعريف حق نه شم ادا كولے، ستا حقيقي شان هغه دے كوم چې تا پخپله بيان كړے دے.

    بيا د شپې په څلورمه حِصَّه كښې حضرت جبريلِ اَمِين عَلَيْهِ السَّلام بيا حاضر شو او عرض ئې اوكړو: يَـا رَسُولَ الـلّٰـه صَلَّى اللهُ عَلَيْهِ وَاٰلِهٖ وَسَلَّم! خپل سر آسمان طرف ته اوچت كړئ! خوږ نبـي صَلَّى اللهُ عَلَيْهِ وَاٰلِهٖ وَسَلَّم چې كله خپل سر مبارك آسمان طرف ته اوچت كړو نو اوئې ليدل چې د رحمت دروازے بيرته دي، د هرې دروازے نه يوه فرښته اِعلان كوي: * د  اوَّلنئ دروازے فرښتے غږ کولو چې: په دې شپه کښې د عبادت کوونکي دِ مبارك شي *د دويمې دروازے فرښتې اعلان کولو: د هغه دِ مبارك شي څوک چې په دې شپه سجده كوي، *د دريمې دروازے فرښتې وئيل: د هغه دِ مبارك شي څوك چې په دې شپه کښې رکوع کوي * د څلورمې دراوزے فرښتې دا غږ کولو: په دې شپه د خپل ربِّ كريم نه د دُعا غوښتونکي دې مبارک شي * د پينځمې دروازے فرښتې داسې غږ کولو: د هغه دِ مبارك شي څوک چې په دې شپه د الله پاك په بارګاه كښې  مناجات كولو كښې مصروف وي، * د شپږمې دروازے فرښتې دا اعلان کولو: دا شپه دِ د مسلمانانو