د شبِ براءت راتلو نه مخكښې د کولو درې كارونه

       خوږو او محترمو اسلامي ورونړو! د شعبان په پينځلسمه شپه اعمال نامے بدليږي، ځکه د دې شپې د بركتونو حاصلولو او د بخښنې خيرات حاصلولو د پاره غوره ده چې د شبِ براءت راتلو نه مخكښې مخكښې دا درې كارونه ضرور اوكړے شي:

(1) توبه اوکړئ

    د 14 شَعْبَانُ المُعَظَّم د لمَر پريوتلو سره د تير كال اعمال نامه راغونډه کړے شي، ځکه غوره دي چې د شبِ براءت راتلو نه مخكښې مخكښې توبه اوکړے شي. په حديثِ پاك كښې دي، د خوږ نبـي صَلَّى اللهُ عَلَيْهِ وَاٰلِهٖ وَسَلَّم فرمان دے: اَلتَّائِبُ مِنَ الذَّنْبِ کَمَنْ لَّاذَنْبَ لَہٗ د ګناه نه توبه كوونكے داسې دے لکه هغه چې هډو ګناه کړې نه وي.^[1]

ګناهونه په نيكو كښې بدليږي

    د توبې ويستلو ډيرې فائدے دي، په دې كښې د ټولو نه لويه فائده دا ده چې که الله پاك اوغواړى نو د توبې په بركت ګناهونه په نيكو كښې بدل كړي. په سيپارۀ 19 سُورَةُ الْفُرقان، آيت: 70 كښې ارشاد دے:

اِلَّا مَنْ تَابَ وَ اٰمَنَ وَ عَمِلَ عَمَلًا صَالِحًا فَاُولٰٓىٕكَ یُبَدِّلُ اللّٰهُ سَیِّاٰتِهِمْ حَسَنٰتٍؕ-وَ كَانَ اللّٰهُ غَفُوْرًا رَّحِیْمًا(۷۰)

[مفهوم] ترجمۂ کَنْز العِرْفان: خو څوك چې توبه اوكړي او اِيمان راوړي  او ښه كار اوكړي نو د داسې [خلقو] بدئ به الله په نيكو كښې بدلې كړي.