ئي شبِ براءَت آهي پر زِندگي جو ڪهڙو ڀروسو، خبر ناهي اسان شبِ براءَت ماڻڻ ۾ ڪامياب به ٿئي سگھنداسين يا هن کان پهريان ئي اندھيري قبر ۾ لاٿو ويندو۔ الله پاڪ اسان کي نيڪين واري وڏي ڄمار عطا فرمائي۔ جيڪڏهن زِندگي وفا ڪري ٿي ۽ اسان شب براءَت تائين پهچڻ ۾ ڪامياب ٿي وڃون ٿا ته نيت ڪريو ته ڦٽاڪا ڦاڙڻ، آتش بازي ڪري وقت ۽ پيسو برباد ڪرڻ بدران اِنْ شَآءَ الله الْڪَرِيْم! شبِ براءَت نيڪين ۾ گذارينداسين۔ الله پاڪ اسان کي توفيق نصيب ڪري۔ آمِیْن بِجَاہِ خَاتَمِ النَّبِیّٖنَ  صَلَّى اللّٰهُ عَلَيۡهِ واٰلِهٖ وَسَلَّمَ

15 شعبان جو روزو رکو!

مسلمانن جي چوٿين خليفي اَمِيرُ المُؤمنين مولا علي رَضِىَ اللهُ عَنۡه کان روايت آهي، نبي ڪريم، رَءُوف رَّحيم صَلَّى اللّٰهُ عَلَيۡهِ واٰلِهٖ وَسَلَّمَ جو فرمانِ عظيم آهي: جڏهن 15 شعبان جي رات اچي ته ان ۾ قيام (يعني عِبَادت) ڪيو ۽ ڏينهن ۾ روزو رکو! ^([1])

امير اهلسنت دَامَت بَرَکاتهمُ الْعَالِيه جون ڪجھ نصيحتون

هي حديثِ پاڪ ذِڪر ڪرڻ کان بعد شيخ طريقت، امير اهلسنت دَامَت بَرَکاتهمُ الْعَالِيه فرمائن ٿا: شبِ براءَت ۾ اَعمَال ناما تبديل ٿين ٿا، لهٰذا ٿي سگھي ته 15 شعبان المعظم تي به روزو رکيو وڃي ته جيئن اَعمَال نامي جي آخري ڏينهن ۾ به روزو هجي، 14 شعبان تي عصر جي نماز باجماعت پڙھي اتي نفلي اعتڪاف ڪيو وڃي ۽ نمازِ مغرب جي انتظار جي نيت سان مسجد ئي ۾ ترسي پئو ته جيئن اعمال ناما تبديل ٿيڻ جي آخري گهڙين ۾ مسجد جي حاضِري، اعتڪاف ۽ نماز جي انتظار وغيره جو ثواب لکيو وڃي۔ بلڪ زهي نصيب! سڄي رات ئي عبادت ۾ گذاري وڃي۔

کوئی محروم نہ رہ جائے زمیں پر سائِل      آسمانوں سے یہ آتی ہے صدا آج کی رات

آج کی رات نہ غفلت میں گزاری جائے    رَبِّ اکبر کی کرو حَمْد وثنا آج کی رات