شبِ براءَت عبادت جي رات آهي

 پيارا اسلامي ڀائرو! شبِ براءَت عبادت جي رات آهي، هن رات تي دِل تان غفلت جا پردا هٽائي الله پاڪ جي ياد ۾ گذارڻ سعادت ئي سعادت آهي۔ الله پاڪ جي آخري نبي، رسولِ هاشمي صَلَّى اللّٰهُ عَلَيۡهِ واٰلِهٖ وَسَلَّمَ فرمايو: جنهن 5 راتين کي زِندھ ڪيو (يعني رات جاڳي عبادت ۾ گذاريو) ان جي لاءِ جنّت واجِب ٿي ويندي آهي:

(1): تَروِيه (يعني 8 ذُو الحج) جي رات (2): عرفه (يعني 9 ذو الحج ) جي رات (3): عيدُ الاَضحٰي (يعني 10 ذو الحج) جي رات (4): عيد الفطر ۽ (5): نصف شعبان جي رات۔^([1])

بنا دے مجھے نیک نیکوں کا صدقہ          گُنَاہوں سے ہر دم بچا یااِلٰہی!

عبادت میں گزرے مری زندگانی          کرم ہو کرم یاخُدا یااِلٰہی!

صَلُّوْا عَلَي الْحَبيب!                                                 صَلَّي اللّٰه عَلٰي مُحَمَّد

شبِ براءَت آقا صَلَّى اللّٰهُ عَلَيۡهِ واٰلِهٖ وَسَلَّمَ جا معمولات

 سڀني مسلمانن جي پياري اَمڙ سائڻ حضرت بي بي عائشه صديقه طَيبه، طاهره رَضِیَ اللهُ عَنْهَا فرمائن ٿيون: هڪ ڀيري حُضُور جانِ ڪائنات، فخرِ موجودات صَلَّى اللّٰهُ عَلَيۡهِ واٰلِهٖ وَسَلَّمَ نماز ادا ڪرڻ بيٺا، پاڻ ڪريم صَلَّى اللّٰهُ عَلَيۡهِ واٰلِهٖ وَسَلَّمَ ايترو ڊگھو سجدو ڪيو  جو مون کي گمان ٿيو؛ ڪٿي سجدي واري حالت ئي ۾ سندن رُوح قبض نه ڪيو ويو هجي۔ اهو خيال ايندي ئي مان اُٿيس ۽ پاڻ صَلَّى اللّٰهُ عَلَيۡهِ واٰلِهٖ وَسَلَّمَ جي مبارڪ آڱوٺن کي هٿ لڳائي ڏٺو، حرڪت محسوس ٿئي ته اطمينان ٿي ويو، نماز کان فارِغ ٿيڻ بعد پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ فرمايو: اي عائشه! خبر اٿئي هي ڪهڙي رات آهي؟ مون عرض ڪيو: الله پاڪ ۽ ان جو رسول صَلَّى اللّٰهُ عَلَيۡهِ واٰلِهٖ وَسَلَّمَ بهتر ڄاڻي ٿو۔ فرمايائون: هي نِصْف شعبان جي رات آهي، هن رات الله پاڪ پنهنجي ٻانهن تي رحمت ڀري نگاھ فرمائيندو آهي، بخشش گھرڻ وارن کي بخشي ڇڏيندو آهي ۽ رحم طلب ڪرڻ وارن تي رحم فرمائيندو آهي۔^([2])