رزق ۽ حج ڪرڻ وارن جا نالا لکيا ويندا آهن (4) عرفہ (يعني 9 ذُوالحج) جي رات۔^([1])

بخشش ۽ مغفرت جي رات

شُعَبُ الْاِيمان ۾ حديثِ پاڪ آهي، اسان جي آقا و موليٰ، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ جن فرمايو: 15 شعبان جي رات (يعني شبِ براءَت تي) هڪ پُڪارڻ وارو پُڪاريندو آهي ته: * آهي ڪو مغفرت چاهڻ وارو جو ان جي مغفرت ڪئي وڃي * آهي ڪو گھرڻ وارو جو ان کي عطا ڪيو وڃي، پس بدڪار عورت ۽ مشرڪ کان عِلاوه جيڪو به حاجت طلب ڪندو آهي، ان جي حاجت پُوري ڪئي ويندي آهي۔^([2])

شبِ براءَت تي آقا ڪريم جا مشاهدا

اِبْنِ عساڪر ۾ آهي: هڪ ڀيري شبِ براءَت تي ملائڪن جي سردار حضرت جبريلِ امين عَلَيۡهِ السَّلَام بارگاھ رسالت ۾ حاضِر ٿي عرض ڪيو: يارسولَ الله صَلَّى اللّٰهُ عَلَيۡهِ واٰلِهٖ وَسَلَّمَ! اُٿو، نماز ادا فرمايو جو هي اها رات آهي جنهن ۾ رحمت جا 300 دروازا کوليا ويندا آهن، هن رات ۾ * الله پاڪ سان ٻين کي شريڪ ڪرڻ وارن * پاڻ ۾ بغض ۽ ڪينو (يعني دِل ۾ دشمني) رکڻ وارن * شرابين ۽ بدڪارن کان  عِلاوه سڀني جي مغفرت ڪئي ويندي آهي۔

جيئن ته پيارا آقا، مديني وارا مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ جنّتُ البقيع (يعني مديني پاڪ جي قبرستان) ۾ تشريف وٺي ويا ۽ مٿو مبارڪ سجدي ۾ رکي هيئن دعا گھريائون:

اَعُوْذُ بِعَفْوِكَ مِنْ عِقَابِكَ وَاَعُوْذُ بِرِضَاكَ مِنْ سَخَطِكَ وَ اَعُوْذُبِكَ مِنْكَ جَلَّ ثَنَاءُكَ لَا اَبْلُغُ الثَّنَاءَ عَلَيْكَ اَنْتَ كَمَا اَثْنَيْتَ عَلٰى نَفْسِكَ

ترجمو: اي الله پاڪ! مان تنهنجي عذاب کان تنهنجي معافي، تنهنجي