جنهن جي دِل ۾ نه سرڪشي هجي، نه ڪينو هجي، نه بغض هجي، نه حَسَد جلن هجي، اهو شخص وڏي فضيلت وارو آهي۔ شيخِ طريقت، امير اهلسنت دَامَت بَرَکاتهمُ الْعَالِيه بارگاھ رسالت ۾ استغاثو پيش ڪن ٿا:

جھوٹ سے بغض و حسد سے ہم بچیں      کیجئے رحمت اے نانائے حُسین

ٽي ڀيرا جنّت جي بشارت ملي

صحابيء رسول حضرت انس بن مالِڪ رَضِىَ اللهُ عَنۡه فرمائن ٿا: اسان مالِڪ جنّت، قاسِمِ نعمت صَلَّى اللّٰهُ عَلَيۡهِ واٰلِهٖ وَسَلَّمَ جي خِدمت ۾ حاضِر هئاسين، پاڻ ڪريم صَلَّى اللّٰهُ عَلَيۡهِ واٰلِهٖ وَسَلَّمَ فرمايو: يَطْلُعُ عَلَيْڪُمُ الْآن مِنْ هٰذَا الْفَجِّ رَجُلٌ مِنْ اَهْلِ الْجَنَّةِ هاڻي توهان وٽ هن رستي کان هڪ جنّتي شخص ايندو۔ پوءِ هڪ انصاري صحابي رَضِىَ اللهُ عَنۡه اتان آيا، انهن جي ڏاڙهي وُضُو جي پاڻي سان تَر هئي، کاٻي هٿ ۾ جتي کنيل هئي ۽ اچي رهيو هو.

ٻئي ڏينهن وري نبي اڪرم، نورِ مجسم صَلَّى اللّٰهُ عَلَيۡهِ واٰلِهٖ وَسَلَّمَ فرمايو: هاڻي توهان وٽ هن رستي تان هڪ جنّتي شخص ايندو۔ ٻئي ڏينهن به اهي ئي صحابي آيا، ٽئين ڏينهن وري ايئن ئي ٿيو۔ حضرت عبد الله بن عَمْرو رَضِىَ اللهُ عَنۡهما فرمائن ٿا: هاڻي مان ان انصاري صحابي رَضِىَ اللهُ عَنۡه جي گھر پهتس ۽ درخواست ڪئي ته مان اوهان وٽ مهمان رهڻ چاهيان ٿو۔ جيئن ته مان ٽي راتيون انهن وٽ رهيس، ان دوان مان کين انھن کي رات جو قيام (يعني نفل جي ڪثرت) ڪندي نه ڏٺو، ها! ايترو ضرور هو ته جڏهن هو پنهنجي بستر تي پاسو بدليندا هئا ته ذِڪرُ الله ڪندا هئا۔ هڪ چڱي عادَت سندن هي به هئي جو هو چڱي ڳالھ ڪندا هئا يا خاموش رهندا هئا. جڏهن 3 راتيون گذري ويون ته مون کين اَصل ڳالھ ٻڌائي ته پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ 3 ڏينهن مسلسل جنّت جي بشارت عطا فرمائي ۽ ٽئي ڏينهن هن بشارت جا حقدار اوهان ئي هئا۔ مان چاهيو ته اوهان وٽ رهي اوهان جو عَمَل ڏسان، پر مون کي ته اوهان جو ڪو وڌيڪ عَمَل نظر نه آيو۔ ان صحابي رَضِىَ اللهُ عَنۡه فرمايو: منهنجو عَمَل ته اهو ئي آهي جيڪو اوهان