Shab e Baraat kese Guzaren

Al Quran Books Madani Channel

Magazine Courses Media

مجھے سچّی توبہ کی توفیق دیدے پئے تاجدارِ حرم یااِلٰہی!

غیب بتانے والے نبی ، رسولِ ہاشمی صَلَّی اللہُ عَلَیْہِ وَآلِہٖ وَسَلَّم نے فرمایا : روزِ قیامت ایک شَخْص بارگاہِ الٰہی میں پیش کیا جائے گا ، حکم ہوگا : اس کے صغیرہ گُنَاہ اس پر پیش کرو! چنانچہ ایک ایک کر کے اس کے گُنَاہ پیش کئے جائیں گے ، وہ ہر گناہ کا اقرار کرتا جائے گا اور ڈرتا ہو گا کہ ابھی کبیرہ گُنَاہوں کی بارِی آنی ہے ، اتنے میں حکم ہو گا : تیرے ہر گُنَاہ کی جگہ ایک نیکی ہے۔ اب وہ پکارے گا : مولیٰ! ابھی تو بہت بڑے بڑے گُنَاہ ہیں جن کا ذِکْر ہی نہیں ہوا (مطلب یہ کہ پہلے تَو ڈر رہا ہو گا کہ گُنَاہوں پر پکڑ ہو گی مگر جب اللہ پاک کی رحمت دیکھے گا کہ گُنَاہ نیکیوں میں بدل رہے ہیں تو چاہے گا کہ میرے سارے گُنَاہ نیکیوں میں بدل جائیں ، اس لئے پُکارے گا : مولیٰ! ابھی بڑے بڑے گُنَاہوں کا تَو ذِکْر ہی نہیں ہوا)۔ ⁽^{^[1]}⁾

بخش دے میری ساری خطائیں کھول دے مجھ پر اپنی عطائیں

برسا دے رحمت کی برکھا یااللہ! مری جھولی بھر دے

سُبْحٰنَ اللہ! ہمارے رَبِّ کریم کی بےپناہ رحمتوں کی بھی کیا شان ہے۔ کاش! شبِ براءَت آنے سے پہلے پہلے ہم سچّی تَوبہ کرنے میں کامیاب ہو جائیں اور پچھلے سال کا اَعْمَال نامہ لپیٹا جائے تو اس میں ایک بھی گُنَاہ باقی نہ ہو ، سچّی تَوبہ کی برکت سے سب گُنَاہ مٹ جائیں بلکہ زہے نصیب! گُنَاہ نیکیوں میں تبدیل ہو جائیں ، تب تو وارے ہی نیارے ہو جائیں گے۔

[1]...مسلم ، کتابُ الایمان ، صفحہ : 93 ، حدیث : 190۔

Important

Mobile Apps

Contact Us