Islam Me Aurat Ka Maqam

Al Quran Books Madani Channel

Magazine Courses Media

ماں کی رِضامندی میں پوشیدہ ہے ، انسان چاہے کتنے ہی بڑے مقام و منصب پر پہنچ جائے مگر ماں کی اطاعت و فرمانبرداری سے بَرِیُ الذِّمَّہ نہیں ہوسکتا۔ آئیے!بطورِ ترغیب ماں کی شان وعظمت میں ایک حدیثِ پاک سنتے ہیں چنانچہ

حسنِ اخلاق کا زیادہ حقدار کون؟

ایک شخص رحمت ِ عالم ، نُورِمجسَّم صَلَّی اللہُ عَلَیْہِ واٰلِہٖ وَسَلَّمَکی بارگاہ میں حاضر ہو کر عرض گزار ہوا : یارسولَ اللہ صَلَّی اللہُ عَلَیْہِ واٰلِہٖ وَسَلَّمَ!میرے حُسنِ اخلاق کا زیادہ حق دار کون ہے؟ارشاد فرمایا : تمہاری ماں۔ اس نے دوبارہ عرض کی : اس کے بعد کون؟ارشاد فرمایا : تمہاری ماں۔ تیسری بار عرض کی : اس کے بعد کون؟تو آپ صَلَّی اللہُ عَلَیْہِ واٰلِہٖ وَسَلَّمَ نے اس مرتبہ بھی یہی ارشاد فرمایا : تمہاری ماں۔ اس نے پھر عرض کی : اس کے بعد کون؟تو آپ صَلَّی اللہُ عَلَیْہِ واٰلِہٖ وَسَلَّمَ نے ارشاد فرمایا : تیرا باپ۔ (بخاری ، کتاب الادب ، باب من احق الناس بحسن الصحبۃ ، حدیث : ۵۹۷۱ ، ۴ / ۹۳)

زخمی انگلی

حضرت بَایَزِید بِسْطَامِی رَحْمَۃُ اللّٰہ ِ عَلَیْہ فرماتے ہیں : سردیوں کی ایک سخت رات میں میری والدہ نے مجھ سے پانی مانگا ، میں آبخورہ (یعنی گلاس)بھرکرلےآیا ، مگر ماں کو نیند آگئی تھی ، میں نے جگانا مناسب نہ سمجھا ، پانی کاآبخورہ لئے اس انتظارمیں ماں کےقریب کھڑا رہا کہ بیدار ہوں تو پانی پیش کروں ، کھڑے کھڑے کافی دیر ہوچکی تھی اور آبخورے سے کچھ پانی بہہ کر میری انگلی پر جم کر برف بن گیا تھا۔ بہر حال جب والدۂ محترمہ بیدار ہوئیں تو میں نے آبخورہ پیش کیا ، برف کی وجہ سے چپکی ہوئی انگلی (Finger) جوں ہی آبخورے(یعنی پانی کے گلاس )سےجدا ہوئی ، اس کی کھال اُدھڑ گئی اور خون بہنے لگا ، ماں نے دیکھ کر فرمایا یہ کیا؟ میں نے سارا ماجراعرض کیا ، انہوں نے ہاتھ اٹھا کر دعا کی : اے اللہ پاک! میں اس سے راضی ہوں تُو بھی اس سے راضی رہ۔ (سمندری گنبد ، ص۴)

Important

Mobile Apps

Contact Us