خپل ځوئ نه ځان خلاصوي، ورور به د ورور نه تښتي، دوستان ملګري به په خپلو خپلو سوچونو كښې ډوب وي، هغه وخت به نه يوه خپلوي، نه يو نِسبت، او نه يو تَعَلُّق په كار راځي، خو قربان شم د خوږ نبـي صَلَّى اللهُ عَلَيْهِ وَاٰلِهٖ وَسَلَّم نه! چې د قيامت په ورځ به د خوږ آقا صَلَّى اللهُ عَلَيْهِ وَاٰلِهٖ وَسَلَّم نسب مبارك قائم وي او دا مبارك نسب به د قيامت په سخته ويره كښې په كار راځي.

    اِمام شافعـي رَحْمَةُ اللهِ عَلَيْه د خوږ رسول صَلَّى اللهُ عَلَيْهِ وَاٰلِهٖ وَسَلَّم هَم نَسَبَه دے ځکه به د قيامت په ورځ اِمام شافعـي رَحْمَةُ اللهِ عَلَيْه د خوږ نبـي صَلَّى اللهُ عَلَيْهِ وَاٰلِهٖ وَسَلَّم لمَن مباركې سره وابسته وي، د اِمام شافعـي رَحْمَةُ اللهِ عَلَيْه نسب مبارك به هغه وخت هُم قائم وي او د قيامت په سختو كښې به په كار راځي.

اِمامِ شافعـي رَحْمَةُ اللهِ عَلَيْه د قُريشو عالِم دے

    اے عاشِقانِ رسول! قَرَشـي (يعني د قبيلۀ قُريش سره د نَسَبـي تَعَلُّق) په وجه اِمام شافعـي رَحْمَةُ اللهِ عَلَيْه ته يو بل فضيلت هم حاصل دے، هغه دا چې هغوئي رَحْمَةُ اللهِ عَلَيْه د قُريشو عالِم دے. د سركارِ مدينه فرمان مبارك دے: يعني قُريشو ته بد مه وائې! بيشكه په دوئي كښې به يو عالِم زمكه د علم نه ډكه كړي.

    دې حدىثِ پاك کښې چې د قُريشو قبيلے د كوم عالِمِ دِين ذِكر شوے دے، د دې نه مراد اِمام شافعـي رَحْمَةُ اللهِ عَلَيْه دے، د كروړاؤ حنبليانو پيشوا، اِمام احمد بِن حنبل رَحْمَةُ اللهِ عَلَيْه فرمائي: زما نه چې كله هم د څه ديني مسئلے پوښتنه اوكړے شي نو زه د ټولو نه اوَّل هغه مسئله په قرآن و سُنَّت كښې ګورم، كه ما ته د هغې مسئلے جواب په قرآن و سُنَّت كښې ميلاؤ نه شي، نو د اِمام شافعـي رَحْمَةُ اللهِ عَلَيْه په فرامينو كښې د هغې جواب