Book Name:Imam Shafi Ke Ala Ausaf
اوصافو اوريدلو سعادت حاصلوو. الله پاك دِ مونږ ته د نيكو بندګانو د سيرت نه د رنړا حاصلولو او د هغوئي په بَرَكت خپل ژوند د روښانه کولو توفيق راكړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم
د هرې صدئ په شروع كښې يو مُجَدِّد را ليږلے كىږي
د سُنَنِ ابُوداؤد حديثِ پاك دے: زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم فرمائي: إِنَّ الـلَّـهَ يَـبْـعَــثُ لِـهٰـذِهِ الْأُمَّــةِ عَــلَـى رَأْسِ كُلِّ مِـائَـةِ سَــنَـةٍ مَـــنْ يُـــجَــدِّدُ لَـهَـا دِينَهَـا بيشكه الله پاك به په دې اُمَّت كښې د هرې صدئ په شروع كښې يو داسې كس راليږي چې هغه به د دِين تجديد كوي.[1]
په تيرو شوو اُمَّتونو كښې دا انداز وو چې كله به يو نبـي د دُنيا نه تشريف يوړلو نو الله پاك به بل نبـي راوليږلو، هغه به د دِين تبليغ كولو او د دِين اصل او حقيقي تعليمات به ئې خلقو ته زده كول. اوس د نَبُوَّت دروازه بنده شوې ده زمونږ خوږ نبـي صَلَّى اللهُ عَلَيْهِ وَاٰلِهٖ وَسَلَّم د الله پاك آخري نبـي تشريف راوړے دے، اوس تر قيامته پورې بل نبـي نه شي راتلے، ځکه په دې اُمَّت كښې د دِين د تجديد دا طريقه ده چې د هرې صدئ په شروع كښې الله پاك يو مُجَدِّد پيدا كوي او هغه د دِين تجديد كوي. خلق چې په دِين كښې کومې غلطې عقيدے شاملوي، بد نظريات د دين د تعليماتو جوړولو کوشش کوي، د قُرآنِ پاك د مفهوم بدلولو ناپاكه كوشش كوي، د ګناهونو نه ډك رسمونه او رواجونه د ديني تعليم په طور رواج جوړ شي، بيا الله پاك مُجَدِّد راليږي، هغه، هٰغه بدې عقيدے، بد نظريات او د ګناهونو نه ډك رسمونه ختمولو د پاره د خلقو تَوجُّه راګرځوي او د دِين اصل او حقيقي تعليمات د نوي سر نه واضحه كوي.