رَحْمَةُ اللهِ عَلَيْه اوفرمائيل: پوهه شه! چا چې د الله پاك مَعرِفَت حاصل كړو، هغه خلاصے اوموندلو، څوك چې د دِين په مُعامَله كښې اُويَريدو هغه د تباهـئ نه بچ شو، چا چې د دُنيا نه ډډه اختيار كړه په ورځ د قيامت چې كله هغه د الله پاك په بارګاه كښې حاضر شي نو سترګې به ئې يخې شي [يعنې په اجر ملاويدو به خوشحاله شي]، اِمام شافعـي رَحْمَةُ اللهِ عَلَيْه نور اوفرمائيل: په كوم انسان كښې چې درې صفتونه جمع شي، د هغه اِيمان مكمل شي: (1) څوك چې د نيكئ دعوت وركوي او پخپله هُم پرې عمل كوي (2) څوك چې د بدئ نه منع كوي او پخپله ترينه هم ځان بچ ساتي (3) او څوك چې د الله د حدونو حِفاظَت كوي. بيا ئې اوفرمائيل: د دُنيا نه ډډه اوكړئ او د آخرت شوق لرونكي جوړ شئ! په خپل هر كار كښې الله پاك سره د رښتياؤ مُعامَله کوه! كه داسې اوكړې نو د نجات موندونكو نه به شې. ^[1]

     خوږو او محترمو اسلامي ورونړو! دا څومره د سبق نه ډك نصيحتونه دي. الله پاك دِ مونږ ټولو ته په دې نصيحتونو باندې د عمل كولو توفيق راكړي. اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم

    د سيرت اِمام شافعـي رَحْمَةُ اللهِ عَلَيْه د دې اِيمان افروز واقعے نه دا وصف ظاهريږي چې هغوئي به د نيكئ د دعوت وركولو ډير حرص لرلو. اوګورئ! هغوئي چې کله يو كس په اوداسه كښې په غلطئ كولو اوليدلو، هغوئي رَحْمَةُ اللهِ عَلَيْه باقاعده هغه ته د زده كولو د پاره نه وو ورغلې بلکه صرف د هغه په خوا تيريدلو، خو بيا ئې هم هغه كس ته په صحيح طريقه سره د اودس كولو ترغيب وركړو، معلومه شوه چې څوك مُبَلِّغ وي، هغه په هر ځائے کښې په هر حال كښې مُبَلِّغ وي، د نيكئ دعوت عام كولو كښې دا ضروري نه ده چې مونږه صرف علاقائي دوره كښې د نيكئ دعوت وركړو، يا چې كله