Book Name:Imam Shafi Ke Ala Ausaf
یَکْفِیْکُمْ مِنْ عَظِیمِ الْفَخْرِ اَنَّکُمْ مَنْ لَمْ یُصَلِّ عَلَیْکُمْ لَا صَلَاۃَ لَہُ([1])
وضاحت: اے اَهلِ بیتِ کرام! ستاسو محبت الله پاك په قرآنِ كريم كښې فرض ګرځولے دے. ستاسو د پاره هُم دا فخر پوره دے چې تر څو پورې په تاسو باندې دُرُود شريف اونه لوستے شي، لمُونځ نه مكمل كيږي.
ياد ساتئ چې د امام شافعي رَحْمَةُ اللهِ عَلَيْه په نزد په لـمانځه کښې درود شريف وئيل فرض دي او زمونږ د امام اعظم رَحْمَةُ اللهِ عَلَيْه په نزد سُنَّت دي نو که چا په لـمانځه کښې درود اُونه وئيلو نو د امام شافعي رَحْمَةُ اللهِ عَلَيْه په نزد د هغه لـمونځ اُونه شو او د مام اعظم ابو حنيفه رَحْمَةُ اللهِ عَلَيْه په نزد لـمونځ اوشو خو د سُنَّتو پريښودلو په وجه په لـمونځ [يعنې ثواب] کښې کمے راغلو۔
د اِمام شافِعـي رَحْمَةُ اللهِ عَلَيْه نصيحتونه
حضرت عبدُالله بِن مُحَمَّد رَحْمَةُ اللهِ عَلَيْه فرمائي: زه د اِمام شافعـي رَحْمَةُ اللهِ عَلَيْه سره د بَغداد په يوه علاقه كښې ووم، هغوئي رَحْمَةُ اللهِ عَلَيْه يو ځلمے اوليدو چې اودس ئې په صحيح طريقه نه كولو، اِمام شافعـي رَحْمَةُ اللهِ عَلَيْه هغه ته د نيكئ دعوت وركولو کښې اوفرمائيل: اے ځلميه! اودس صحيح كړه، الله پاك به په دُنيا او آخرت كښې په تا احسان اوفرمائي. اِمام شافعـي رَحْمَةُ اللهِ عَلَيْه دا اوفرمائيل او مخكښې ئې تشريف يوړلو، هغه ځلمي چې د عِلم خبره واوريدله نو اودس ئې مكمل كړو او په اِمام شافعـي رَحْمَةُ اللهِ عَلَيْه پسې شا ته شا ته حاضر شو. اِمام شافعـي رَحْمَةُ اللهِ عَلَيْه د هغه نه تپوس اوكړو: آيا ما سره دِ څه كار دے؟ ځلمي عرض اوكړو: آؤ! ما ته هم عِلم زده كړئ. اِمام شافعـي