Book Name:Imam Shafi Ke Ala Ausaf
مُعامَله كښې د حق نه لرې كيدونكو ته د نيكئ دعوت وركول او هغوئي پوهه كول د اِمام شافعـي رَحْمَةُ اللهِ عَلَيْه په عادتونو كښې شامِل وو، يو ځل اِمام شافعـي رَحْمَةُ اللهِ عَلَيْه د صحابۀ كرامو عَلَيْهِمُ الرِّضْوان په فضائلو کښې اوفرمائيل: *صحابۀ كرام عَلَيْهِمُ الرِّضْوان هغه مباركې هستئ دي چې د هغوئي ستائنه د ټولو جهانونو ربّ الله پاك كړې ده، *صحابۀ كرام عَلَيْهِمُ الرِّضْوان هغه [مُعَزَّزې هستئ] دي چې په قرآنِ كريم، تورات او انجيل كښې د هغوئي منقبتونه ذِكر دي، *صحابۀ كرام عَلَيْهِمُ الرِّضْوان هغه [مُعَزَّز شخصيات] دي چې د الله پاك محبوب نبـي صَلَّى اللهُ عَلَيْهِ وَاٰلِهٖ وَسَلَّم د هغوئي فضائل بيان كړي دي، *صحابۀ كرام عَلَيْهِمُ الرِّضْوان د وحــي نازليدو ګواه دي، *صحابۀ كرامو عَلَيْهِمُ الرِّضْوان مونږ ته دا دِين را رسولے دے، *بيشكه صحابۀ كرام عَلَيْهِمُ الرِّضْوان زمونږ نه زيات د عِلم خاوندان و، *صحابۀ كرام عَلَيْهِمُ الرِّضْوان په هر عِلم كښې زمونږ نه اوچتې مرتبے والا دي، *د صحابۀ كرامو عَلَيْهِمُ الرِّضْوان دا شان دے چې په كومه خبره مُتَّفِق شي نو هغه خبره په دِين كښې دليل جوړه شي او كه صرف يو صحابـي کومه خبره اوكړي نو د هٰغه خبرې د مُخالف كولو په هيڅ چا كښې هِمَّت نه وي، صرف د يو صحابـي فرمان هم زمونږ د پاره دليل دے. [1]
د اِمام شافِعـي رَحْمَةُ اللهِ عَلَيْه اهلِ بيتو سره مينه
دغه شان اِمام شافعـي رَحْمَةُ اللهِ عَلَيْه د اهلِ بيتِ اَطهار عَلَيْهِمُ الرِّضْوان سره د مينې اظهار كوي، فرمائي:
یَا آلَ بَیْتِ رَسُوْلِ اللّٰہِ حُبُّکُمُ فَرضٌ مِّنَ اللّٰہ فِی الْقُرْآنِ اَنْزَلَہُ