قاصِد ته ارشاد اوفرمائيلو: درزي ته د جامو ګنډلو پيسے ورکړه۔ درزي حيران شو چې دا کومه هستي ده چې د خليفۀ وقت قاصد ورته رقم راوړلو، نو درزي د قاصد نه د هغوئي په حقله پوښتنه اوکړه، قاصد اُووئيل چې: دا خو امام شافعي رَحْمَةُ اللهِ عَلَيْه دے۔ درزي چې دا واوريدل نو د هغوئي رَحْمَةُ اللهِ عَلَيْه په خدمت کښې ورمخکښې شو او د هغوئي ښپې ئې ښکل کړې او معذرت ئې اوکړو او بيا ئې د امام شافعي رَحْمَةُ اللهِ عَلَيْه په خدمت کښې اوسيدل شروع کړل. ^([1])

خوږو او مُحترمو اسلامي ورونړو!  تاسو اوليده چې امام شافعي رَحْمَةُ اللهِ عَلَيْه د څومره اوچتو اخلاقو مالک وو چې درزي ورله د ټوقې په طور کپړې خرابې کړي وې خو هغوئي رَحْمَةُ اللهِ عَلَيْه په دې کښې هُم ښه ډډه راوِيستله او درزي ته ئې دعائے خير اوکړې۔

د حضرت رابعه بصريه رَحْمَةُ اللهِ عَلَيْها حكايت

    د حضرت سُفيان ثوري رَحْمَةُ اللهِ عَلَيْه فرمائي چې په بصره كښې يو كس د زنا په سزا كښې په دار رازوړند كړے شوے وو، حضرت رابعه بصريه رَحْمَةُ اللهِ عَلَيْها د هغه په خوا تيريدله نو اوئې فرمائيل: دا هُم هغه ژبه ده په كومه چې به تا ”لَااِلٰـهَ اِلَّا الـلّٰـهُ“ وئيل. ^[2]

    اے عاشِقانِ رسول! تاسو اوليدل! يو كس چې د ګناهِ كبيره په سزا كښې پهانسي وركړے شوې وه، حضرت رابعه بصري رَحْمَةُ اللهِ عَلَيْها د هغه د بدئ ذِكر اونكړو بلكه د هغه په ذات كښې ئې ښه وصف ته اوکتل او د هغې ذِكر ئې اوكړو. كاش چې مونږه هم مُثبَت سوچ اختيار كړو، په ښه نظر د کتلو، د ښو خبرو اوريدلو او د ښو خبرو کولو عادت جوړ كړو ځکه چې بدې خبرې د بد زړه دليل دے.