اعلٰـى حضرت رَحْمَةُ اللهِ عَلَيْه د دې ادب وضاحت كولو كښې فرمائي (د هغې خُلاصه ده): د ټولو مسلمانانو په حق كښې د دُعا كولو حكمت دا دے چې دُعا غوښتونكے بنده كه پخپله د دې قابل نه وي چې د هغه دُعا قبوله شي نو دا به د مسلمانانو بندګانو په بركت خپل مراد ته اورسيږي. د حضرت ثابت بُنَانـي رَحْمَةُ اللهِ عَلَيْه نه روايت دے: مونږ ته ذِكر كړے شوي وو چې كوم كس د مسلمانانو نارينؤ او زنانؤ د پاره دُعائے خير كوي، د قيامت په ورځ چې كله د هغوئي په خوا تيريږي نو يو وئيوونكے به اووائي: دا هغه [انسان] دے چا به چې په دُنيا كښې تاسو ته دُعائے خير كوله، بس هغه مسلمانان به د هغه شفاعت اوكړي او جَنَّت ته به ئې بوځي.^[1]

    * يو كس داسې دُعا كوله: اَللّٰہُمَّ اغْفِرْلِی (يا الله پاكه! ما اوبخښې). زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم د هغه دا دُعا واوريدله نو اوئې فرمائيل: كه عامه (يعني نورو مسلمانانو د پاره دِ هم دُعا) كړې وے نو ستا دُعا به قبوله شوې وے.^[2] * په حديثِ پاك كښې دي: زمونږ خوږ آقا صَلَّى اللهُ عَلَيْهِ وَاٰلِهٖ وَسَلَّم فرمائيلي دي: كوم كس چې د مسلمانانو نارينؤ او زنانؤ د پاره د بخښنې دُعا اوكړي، الله پاك به د هغه د پاره د هر مسلمان نارينه او زنانه په بدله كښې يوه نيكي اوليكي.^[3]   

    سُبْـحٰـنَ  الـلّٰـه! اے عاشِقانِ رسول! خوشحاله شئ! په اربونو نيكئ ګټلو نُسخه په لاس راغله، يقيناً د حضرت آدم عَلَيْهِ السَّلام نه واخله تر دې وخته پورې په اربونو مسلمانان دُنيا ته راغلي دي او په كروړونو اوس هُم په دې دُنيا كښې موجود دي، كه مونږه تَـوَجُّه اوكړو او د ټولو مسلمانانو د پاره د بخښنې دُعا اوكړو نو د الله پاك په رحمت سره