د حضرت ربيع رَحْمَةُ اللهِ عَلَيْه بيان دے چې اِمام شافعـي رَحْمَةُ اللهِ عَلَيْه به هره ورځ يو قرآنِ كريم ختمولو.^[1] په رَمَضَانُ المُبارك كښې به د هغوئي رَحْمَةُ اللهِ عَلَيْه د تلاوت شوق نور هم زياتيدلو، هغوئي رَحْمَةُ اللهِ عَلَيْه به په رَمَضَانُ المُبارك كښې په نوافِلو كښې 60 ځل د قرآنِ پاك ختم كولو.^[2]

       سُبْحٰنَ الله! خوږو او مُحترمو اسلامي ورونړو! لږ غور اوكړئ! اِمام شافعـي رَحْمَةُ اللهِ عَلَيْه معمولي انسان نه وو، هغوئي رَحْمَةُ اللهِ عَلَيْه باقاعده مُجتهِد و مُفتـي وو، خلقو به د هغوئي نه فتوے اخستلې او هغوئي رَحْمَةُ اللهِ عَلَيْه به خلقو ته جوابونه وركول، ډير لوئ عالِمِ دِين وو، د لرې لرې نه به خلق د هغوئي رَحْمَةُ اللهِ عَلَيْه په خدمت كښې حاضريدل او علمِ دين به ئې زده كولو. د دومره مصروفياتو باوُجود به هغوئي رَحْمَةُ اللهِ عَلَيْه د قُرآنِ كريم د تلاوت د پاره وخت اوباسلو.

     مونږ له هُم لږ غور کول پکار دي چې! آيا مونږه هم د تِلاوت د پاره وخت اوباسو؟ په مونږه كښې دِ هر يو په خپل زړه کښې غور اوكړي چې قُرآنِ كريم زمونږ د خوږ الله پاك كلام دے، هغه كريم ربّ کوم چې مونږ ته رزق راكوي، كوم چې زمونږه پالونكے دے، مونږ ته په زرګاؤ نِعمَتونه راكوي، آيا مونږه د خپل هغه ربِّ كريم د كلامِ پاک تلاوت کوو؟ څومره ورځې اوشوې چې تلاوت مو كړے دے؟ زمونږ د ټولو په كورونو كښې به يقيناً قُرآنِ مجيد موجود وي، دا پاك كتاب مونږه څو ورځې پس راخلو او وايُو؟  خوږو او محترمو اسلامي ورونړو! دا ډيره د سوچ او فِكر خبره ده، ډيره د افسوس خبره ده چې مونږ سره د موبائل فون د پاره وخت شته، د سوشل ميډيا د پاره راسره وخت شته، دُنياوي مال او دولت ګټلو د پاره راسره وخت شته، د سيل د پاره