اُس کی جھولی مُرادوں سے بھردے                                                             اُس کے حق میں جو بہتر ہو کردے

جس نے مجھ سے دُعا کا کہا ہے                                                                                      یاخدا تجھ سے میری دُعا ہے

ٻين جي لاءِ دُعا گھرڻ جو ثواب

 اعليٰ حضرت جا والِد مولانا نقي علي خان رَحْمَةُ اللهِ عَلَيۡه دُعا جا آداب بيان ڪندي فرمائن ٿا: (ٻانهو جڏهن پنهنجي لاءِ دُعا گھري ته سڀني مسلمانن کي هن ۾ شريڪ ڪري (يعني سڀني مسلمان مردن ۽ عورتن جي لاءِ به دُعا ڪري)۔^([1])

سيدي اعليٰ حضرت رَحْمَةُ اللهِ عَلَيۡه هن ادب جي وضاحت ڪندي فرمائن ٿا (جنهن جو خُلاصو هي آهي): تمام مسلمانن جي لاءِ دُعا ڪرڻ ۾ حڪمت هي آهي ته دُعا گھرڻ وارو ٻانهو جيڪڏهن پاڻ هن قابِل نه ٿيو جو ان جي دُعا قبول ڪئي وڃي ته هي مسلمان ٻانهن جي طُفَيل ۾ پنهنجي مراد کي پهچي ويندو۔ تابعي بزرگ حضرت ثابِت بُناني رَحْمَةُ اللهِ عَلَيۡه روايت فرمائن ٿا: اسان سان بيان ڪيو ويو ته جيڪو شخص مسلمان مردن ۽ عورتن جي لاءِ  ڀلائي جي دُعا گھري ٿو، قيامت جو جڏهن انهن وٽان لنگھندو ته هڪ چوڻ وارو چوندو: هي اهو آهي جيڪو دُنيا ۾ توهان لاءِ دُعاءِ خير ڪندو هو، پوءِ اهي مسلمان ان جي شفاعت ڪندا ۽ ان کي جنّت ۾ وٺي ويندا۔ ^([2])

 * هڪ شخص هيئن دُعا گھري رهيو هو: اَللّٰهُمَّ اغْفِرْلِي (اي الله پاڪ! منهنجي مغفرت فرماءِ)۔ اسان جي پياري آقا، مڪي مدني مُصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ ان جي اها دُعا ٻُڌي ته فرمايائون: جيڪڏهن عام ڪرين ها (يعني ٻين مسلمانن جي لاءِ به گھرين ها) ته تنهنجي دُعا قبول ٿئي ها^([3])* حديثِ پاڪ ۾ آهي، اسان جي پياري آقا، نُور واري مُصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ فرمايو: جيڪو سڀني مسلمان مردن ۽