مطلب دا دے چې الله پاك خپل محبوب صَلَّى اللهُ عَلَيْهِ وَاٰلِهٖ وَسَلَّم ته دا شان عطا كړے دے چې هغوئي صَلَّى اللهُ عَلَيْهِ وَاٰلِهٖ وَسَلَّم صرف ظاهر ته نه ګوري بلكه په باطن هم نظر ساتي، حُضُور صَلَّى اللهُ عَلَيْهِ وَاٰلِهٖ وَسَلَّم د مخامخ كس د قابليت مطابق دُعا كوي، د حضرت اَمِيرِ مُعاويه رَضِیَ اللهُ عَنْهُ په باره كښې هم چې كله خوږ آقا صَلَّى اللهُ عَلَيْهِ وَاٰلِهٖ وَسَلَّم دُعا اوكړه نو يقيناً هغوئي صَلَّى اللهُ  عَلَيْهِ وَاٰلِهٖ وَسَلَّم د خپل يقيني علم په ذريعه د حضرت اَمِيرِ مُعاويه رَضِیَ اللهُ عَنْهُ قابليت پيژندلو چې هغوئي د هادي او مَهدي دواړو جوړيدلو صلاحيت لري، لِهٰذا خوږ آقا صَلَّى اللهُ عَلَيْهِ وَاٰلِهٖ وَسَلَّم دُعا اوكړه: اَللّٰہُمَّ اجْعَلْہُ ھَادِیًا مَہْدِیاً  (يا اِلٰهي! مُعاوِيه هدايت وركولو والا او هدايت يافته هم جوړ كړې).

     ګويا دا دُعا صرف دُعا نه ده، په يو اعتبار سره د حضرت اَمِيرِ مُعاويه رَضِیَ اللهُ عَنْهُ په باره كښې د خوږ نبـي صَلَّى اللهُ عَلَيْهِ وَاٰلِهٖ وَسَلَّم تَاَثُّرات هم دي چې د حُضُورِ اكرَم صَلَّى اللهُ عَلَيْهِ وَاٰلِهٖ وَسَلَّم په نظر مبارك كښې حضرت اَمِيرِ مُعاويه رَضِیَ اللهُ عَنْهُ د دې خبرې اهل وو چې هغوئي هدايت يافته هم جوړيدے شي او هدايت وركولو والا هم جوړيدے شي.

    لږ غور اوكړئ! زمونږ د خوږ آقا صَلَّى اللهُ عَلَيْهِ وَاٰلِهٖ وَسَلَّم چې د كوم شخصيت مُتَعَلِّق دا تَاَثُّرات وي چې هغوئي د هدايت يافته جوړيدو او هدايت وركولو والا جوړيدو هم صلاحيت لري نو اووائې! مونږ غلامانو له د هغه شخصيت مُتَعَلِّق څه نظريه ساتل پكار ده؟ يقيناً مونږ له دا نظريه جوړول پكار ده د كومې چې مونږه نعرے لګوو:

مخلص و باوَفَا!     حضرت معاویہ        باعَمَل بےریا         حضرت معاویہ

جنّتی بےشُبہ!           حضرت معاویہ        باخُدا باصفا!            حضرت معاویہ