جبرائيل عَلَيۡهِ السَّلَام سلام ڪيو

پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ جا انتهائي بااعتماد صحابي سڳورا عَلَيۡهِمُ الرِّضْوَان جن کي حضورِ اڪرم، نورِ مجسم صَلَّى اللّٰهُ عَلَيۡهِ واٰلِهٖ وَسَلَّمَ قرآنِ ڪريم جي ڪتابت (يعني لکڻ) جي ذميداري ڏيندا هئا، انهن مان هڪ حضرت امير معاويه رَضِىَ اللهُ عَنْه به آهن۔ حضرت عبد الله بن عبّاس رَضِىَ اللهُ عَنْه کان روايت آهي، هڪ ڏينهن حضرت جبرائيل عَلَيۡهِ السَّلَام بارگاھ رسالت ۾ حاضِر ٿي عرض ڪيو: يارسولَ الله صَلَّى اللّٰهُ عَلَيۡهِ واٰلِهٖ وَسَلَّمَ ! معاويه کي منهنجو سلام چئو، هو ڪتابُ الله (يعني قرآنِ ڪريم) ۽ وَحْي جا امين آهن۔ ^([1])

کاتِب ہے جو کلامِ خُدا و رسول کا، پکّا اُصُول کا

ہر زاویہ ہے جس کا ذہانت کا زاویہ، وہ ہے معاویہ

راوی ہے جو حدیثِ رسالت مآب کا، کاتِب کتاب کا

نوکِ زباں ہیں جس کے فیوضِ سَمَاوِیہ، وہ ہے معاویہ (رَضِىَ اللّٰهُ عَـنْهُ)

تمام مسلمانن جو مامو

پيارا اسلامي ڀائرو! جنّتي صحابي حضرت امير معاويه رَضِىَ اللهُ عَنْه کي هڪ شرف اِهو به حاصِل آهي ته پاڻ پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ جي زوجه محترمه يعني تمام مسلمانن جي امڙ حضرت اُمِّ حبيبه رَضِىَ اللهُ عَنْها جا سڳا ڀاءُ آهن۔ ان ڪري عالم سڳورا حضرت امير معاويه رَضِىَ اللهُ عَنْه کي خَالُ الْمؤمنين (يعني مسلمانن جو مامُو) چون ٿا۔  ^([2])

کاتِبِ قرآن امیرِ معاویہ         ہیں رفیعِ شان امیرِ معاویہ

جس نے بھی کلمہ پڑھا اسلام کا      اس کے ہیں ماموں جان امیرِ معاویہ