ہوئے نہ صِرْف خِیانت کے مُرتَکِب ہوتے ہیں بلکہ اللہ پاک کی ناراضی اور مخلوقِ خُدا کی دل شِکْنی کا سبب بھی بنتے ہیں ، ایسوں کو اللہ پاک کی خُفْیَہ تدبیر سے ہرگز بے خَوْف نہیں رہنا چاہئے ۔

صَلُّوْا عَلَی الْحَبِیْبِ!                   صَلَّی اللہُ عَلٰی مُحَمَّد

آیئے!اب  ایک بُزرگرَحْمَۃُ اللّٰہ عَلَیْہ  کی ایک دُنیادار شخص کو کی گئی نصیحت پر مَبْنِی ایک سبق آموز حِکایت سُنئے اور عبرت کے مدنی پھول چنئے۔ چُنانچہ ،

حریص شخص  فکرِ آخرت سے غافل ہوتا ہے

ایک بُزرگرَحْمَۃُ اللّٰہ ِعَلَیْہ  نے اپنے ایک دُنیا دار مسلمان بھائی کو نصیحت آموز خط لکھا کہ مجھے بتائیے کہ آپ دُنیا کے کاموں میں اَنتھک کوشش کرتے اور دُنیا ہی کے کاموں کا لالچ کرتے ہیں ، کیا آپ کو دُنیا میں وہ چیز ملی جو آپ چاہتے تھےاور کیا آپ کی ساری تمنّائیں پُوری ہوگئیں؟اُس شخص نے جواب دِیا : اللہ کی قسم!نہیں۔ بُزرگ رَحْمَۃُ اللّٰہ ِعَلَیْہ نے اِرشاد فرمایا : غور کیجئے! جس چیز کے آپ اس قدَر حَرِیْص ہیں جب وہ آپ کو نہیں مل سکی تو آخِرَت جس کی طرف آپ کی بالکل تَوَجُّہ ہی نہیں اور جس سے آپ نے چَشَم پوشی اِخْتِیار کی ہوئی ہے ، اُس کی نعمتیں کیسے حاصِل کرسکیں گے؟ میرے خیال میں آپ صرف ٹھنڈے لوہے پر ضَرَب لگارہے ہیں۔ (یعنی آپ ایک بے فائدہ کام کر رہے ہیں) (قوت القلوب ، الفصل الثامن و العشرون ، ذکر المقال الاول من المراقبۃ ، ۱ / ۱۷۸)

پیارے پیارے اسلامی بھائیو! آپ نے سنا کہ اُن بُزرگ رَحْمَۃُ اللّٰہ ِعَلَیْہ  نے کتنے پیارے انداز میں اُس حَرِیْص اور دُنیا دار کو نصیحت کرتے ہوئے یہ مدنی سوچ فراہم کی کہ دیکھو!تم اللہ پاک اور اُس کے رَسُول صَلَّی اللہُ عَلَیْہِ واٰلِہٖ وَسَلَّمَ کو راضی کرنے اور اپنی قَبْر و آخِرَت سنوارنے کے بجائے شب و روز اِس فانی و بے وفا دُنیا کے دھوکے میں مُبْتَلا  ہوکر مَحض فانی مال و جاہ کے حُصول کی حرْص لئے اُس کی  تگ و دو میں مَشْغُول ہو ، حالانکہ جو دُنیا کے پیچھے بھاگتا ہے دُنیا اُسے اَور بھگاتی ہے ، جو اِس دُنیا سے دل لگاتا ہے