Book Name:Rajab ALLAH Ka Mahina Hai
الله! الله! خوږو او محترمو اسلامي ورونړو! معلومه شوه چې روژه نيولو سره زمونږ نفساني خواهشاتو کښې كمے راځي نو د دې په بركت مونږه د شيطاني حملو نه محفوظه كيږو او چې كله مونږه د شيطاني حملو نه محفوظه شو نو زمونږه رُوح ته طاقت نصيب کيږي، د ګناهونو نه د بچ كيدو ذِهن جوړيږي او زړه مو روښانه کيږي. او چې زړه مو روښانه شي نو [په زړه کښې مو] د الله پاك او د هغه د خوږ حبيب صَلَّى اللهُ عَلَيْهِ وَاٰلِهٖ وَسَلَّم محبت زيات شي او عبادت خوند راکول شروع کړي. ځکه صوفيائے كرام عَلَيْهِمُ الرَّحْمَه فرمائي: اَلْجُوْعُ رَاْسُ مَالِنَا يعني لوږه زمونږ اصل مال دے. مطلب دا دے چې مونږ ته كومه فراخي، سلامتي او په عبادتونو كښې شوق او خوند ملاويږي او کوم عِلمِ نافِع راته حاصليږي، دا د الله پاك د پاره په لوږه اختيارولو او په هغې باندې د صبر كولو په سبب حاصليږي.[1]
د الله پاك آخري نبـي، رَسُولِ هاشمِي صَلَّى اللهُ عَلَيْهِ وَاٰلِهٖ وَسَلَّم فرمائي: چې كله بنده په خپل خوراك كښې كمے كوي نو د هغه جَوف (يعني سينه) د نُور نه ډكه كړے شي.[2]
په مِنْهَاجُ العَابِدِين كښې دي: په مړه خيټه خوراك كولو سره د عبادت خوند