اس آیتِ کریمہ میں بتایا گیا کہ اللہ پاک کے ہاں قمری سال (Lunar Year) کے مہینے 12 ہیں ، ان 12 مہینوں میں 4 مہینے رجب ، ذیقعدہ ، ذی الحج اور محرم بڑے ہی عِزت والے ہیں ، ان میں گُنَاہ کرنا سخت جُرم ہے اور ان میں نیکی کا ثواب بہت زیادہ ہے ، لہٰذا اے مسلمانو! یُوں تو      گُنَاہ کبھی بھی نہیں کرنا ، البتہ ان 4 حُرْمت والے مہینوں میں خُصُوصِیَّت کے ساتھ گُنَاہوں سے بچتے رہو۔ ^([1])

گناہوں کے امراض سے نیم جاں ہوں    پئے مُرشِدی دے شِفا یاالٰہی!

بنادے مجھے نیک نیکوں کا صَدقہ          گناہوں سے ہردم بچا یاالٰہی!

عبادت میں گزرے مری زندگانی         کرم   ہو   کرم   یاخدا!   یاالٰہی!^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

ماہِ رجب کی چند عبادات

 اے عاشقانِ رسول ! رَجب حُرْمت والا مہینا ہے ، اس  میں خوب عبادت کیجئے! * ماہِ رَجب میں اِسْتِغْفَار کی کثرت کرنی چاہئے کہ سرکا رمدینہ منورہ ، سردارِ مکہ مکرمہ صَلَّی اللہُ عَلَیْہِ وَاٰلِہٖ وَسَلَّم نے فرمایا : رجب میں اِسْتِغْفار کی کثرت کرو!بے شک اس کے ہر ہر لمحے میں اللہ پاک کئی کئی افراد کو آگ سے نجات عطا فرماتا ہے ^([3]) * صحابۂ کرام عَلَیْہِمُ الرِّضْوَان رَجَبُ