میں شریک کر لیا ۔ جب ہم کھانا کھا چکے تو وہ کنیز سے کہنے لگا : “ شراب لاؤ ۔ “ جب وہ شراب لائی تو وہ اسے پینے لگااورکنیز سے مجھے بھی شراب پلانے کو کہا لیکن میں نے منع کردیا ۔ جب وہ شخص نشے سے چُور ہوگیا تو اس نے کنیز سے کہا : “ اپنے ساز لے آؤ ۔ “ کنیز نے ساز سنبھالا اور گانا گانے لگی ۔ پھر وہ شخص میری طرف متوجہ ہوا اور کہا : “ کیا تمہارے پاس اس(گانے) جیسا کچھ ہے ؟ “ میں نے جواب دیا : “ ہاں! میرے پاس وہ ہے جو اس سے کہیں زیادہ بہتر اور بھلا ہے ۔ “ اس نے کہا : “ سناؤ۔ “ میں نے اَعُوْذُبِاللہِ مِنَ الشَّیْطٰنِ الرَّجِیْم پڑھنے کے بعد (پارہ 30سُوْرَۂ تَکْوِیْر کی پہلی 3) آیاتِ مبارکہ  تلاوت کیں ،

اِذَا الشَّمْسُ كُوِّرَتْﭪ(۱) وَ اِذَا النُّجُوْمُ انْكَدَرَتْﭪ(۲) وَ اِذَا الْجِبَالُ سُیِّرَتْﭪ(۳)  (پ۳۰ ، التکویر : ۱تا۳)                   

ترجَمۂ کنز العرفان : جب سورج کو لپیٹ دیا  جائے گا اورجب تارے جھڑپڑیں گے اور جب پہاڑچلائے جائیں گے ۔

    ان آیات کو سُن کروہ شخص رونے لگا جب میں   اللہ پاک کے اس فرمان پر پہنچا : وَ اِذَا الصُّحُفُ نُشِرَتْﭪ(۱۰)  (ترجَمۂ کنز العرفان : اور جب نامۂ اعمال کھولے جائیں۔ )(پ۳۰ ، التکویر : ۱۰) تو وہ کہنے لگا : “ اے کنیز ! میں تجھے   اللہ پاک کی رضا کے لئے آزاد کرتا ہوں ، اس شراب کو بہا دو اور ساز توڑ ڈالو ۔ “ پھر اس نے مجھے قریب بُلایا اور کہنے لگا : “ میرے بھائی! تم کیا کہتے ہو ، کیا  اللہ پاک میری توبہ قبول فرما لے گا ؟ “ میں نے جواب میں (پارہ 2 ، سورۂ بقرہ کی222 نمبر )یہ آیت پڑھ دی : ( اِنَّ اللّٰهَ یُحِبُّ التَّوَّابِیْنَ وَ یُحِبُّ الْمُتَطَهِّرِیْنَ(۲۲۲) )  تَرْجَمَۂ کنز الایمان : بیشک اللہ  بہت توبہ کرنے والوں سے محبت فرماتا ہے اور خوب صاف ستھرے رہنے والوں کو پسند فرماتا ہے۔  “ ( یہ سُن کر اس نے توبہ کرلی) ۔ (درۃ الناصحین ، ص۲۱۶ ۔ ۲۱۷)

صَلُّوْا عَلَی الْحَبِیْب!                            صَلَّی اللہُ  عَلٰی مُحَمّد