بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔ ^([1])

اے عاشقانِ رسول ! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! * عِلْمِ دِین سیکھنے کے لئے پورا بیان سُنوں گا * بااَدب بیٹھوں گا * دورانِ بیان سُستی سے بچوں گا  * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

سورہ زلزال کی فضیلت

صحابئ رسول حضرت انس بن مالِک رَضِیَ اللّٰہُ عَنْہُ سے روایت ہے ، سرکارِ عالی وقار ، مکی مدنی تاجدار  صَلَّی اللہُ عَلَیْہِ وَاٰلِہٖ وَسَلَّم   نے فرمایا : جس نے سورۂ زِلْزال کی تِلاوت کی ، یہ اُس کے لئے نِصْف (یعنی آدھے) قرآن کے برابر ہے ، جس نے سورۂ کافِرون کی تِلاوت کی ، یہ اس کے لئے چوتھائی (One 4th) قرآن کے برابر ہے اور جس نے سورۂ اِخْلاص  کی تِلاوت کی ، یہ اُس کے لئے ایک تہائی (One 3rd) قرآن کے برابر ہے۔ ^([2])   

تلاوت کی توفیق دیدے اِلٰہی!              گناہوں کی ہو دُور دِل سے سیاہی

پیارے اسلامی بھائیو!  * سورۂ زِلْزال مَکِّی (یعنی ہجرت سے پہلے نازِل ہونے والی) سُورت ہے *  30 ویں سپارے میں ، قرآنِ کریم کی مختصر سُورتوں میں سے ہے * اس سورت