Ziada Waqt Nikiyon Men Guzarny Ka Nuskha

Al Quran Books Madani Channel

Magazine Courses Media

نہ کرنے پر گُنَاہ ہو۔ ^{(^[1])} مولانا رُوم رَحمۃُ اللہِ عَلَیْہ مزید فرماتے ہیں : دیکھو! آسمان ، زمین ، پہاڑ کیسی مضبوط اور عجیب مخلوقات ہیں ، انہوں نے جس امانت کا بوجھ نہ اُٹھایا ، وہ انسان نے اپنے ذمّے لیا ، اسی لئے آسمان وزمین اور پہاڑوں کے بجائے انسان کو عزّت بخشی گئی اور اسے اشرف المخلوقات بنایا گیا۔ ^{(^[2])} اللہ پاک اِرْشاد فرماتا ہے :

وَ لَقَدْ كَرَّمْنَا بَنِیْۤ اٰدَمَ (پ۱۵ ، بنى اسرائيل : ۷۰)

ترجمہ کنز العرفان : اور بیشک ہم نے اَوْلادِ آدم کو عزّت دی ۔

مزید فرماتے ہیں : اگر تم کہو! میں یہ ایک کام (یعنی عِبَادت) نہیں کرتا تو نہ سہی ، اَور بہت کام تو کرتا ہوں ، یاد رکھ! انسان اور کاموں کے لئے دُنیا میں نہیں آیا ، یہ تو ایسے ہے کہ تو (۱) : بہت قیمتی لوہے کی انمول تلوار جو صِرْف شاہِی خزانوں ہی میں ملتی ہے ، حاصِل کرے اور اسے گوشت کاٹنے کی چُھری بنا لے اور کہے : میں نے اسے بیکار نہیں رکھا (۲) : یا تُو سونے کی دیگ میں شلغم پکانے لگے حالانکہ اس دیگ کے ایک چھوٹے ٹکڑے سے کئی عام دیگیں خریدی اور پکائی جا سکتی ہیں (۳) : یا بہت قیمتی تلوار گھر کی دیوار میں گاڑھ لے اور اس پر ٹُوٹے ہوئے برتن لٹکائے ، کیا یہ افسوس کا مقام نہیں؟ برتن رکھنے کے لئے معمولی قیمت کی کھونٹی استعمال کی جا سکتی ہے ، اس کے لئے ایسی مہنگی تلوار اِسْتِعمال کرنا کیا عَقل کی بات ہے...؟؟ اے انسان! اللہ پاک نے تیری بڑی قیمت رکھی ہے ، اِرْشاد ہوتا ہے :

اِنَّ اللّٰهَ اشْتَرٰى مِنَ الْمُؤْمِنِیْنَ اَنْفُسَهُمْ وَ اَمْوَالَهُمْ بِاَنَّ لَهُمُ الْجَنَّةَؕ- (پ۱۱ ، التوبة : ۱۱۱)

ترجمہ کنز العرفان : بیشک اللہ نے مسلمانوں سے ان کی جانیں اور ان کے مال اس بدلے میں خریدلئے کہ ان کےلئے جَنّت ہے۔

[1]...تفسیر جلالین مع حَاشِیَہ صَاوِی ، پارہ : 22 ، سورۂ اَحْزاب ، تحت الآیۃ : 72 ، جُز : 5 ، جلد : 3 ، صفحہ : 54۔

[2]...فِیْہِ مَا فِیْہِ ، صفحہ : 7۔

Important

Mobile Apps

Contact Us