لیکن ہمارے آقا ، مکی مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم کا معاملہ ایسا نہیں ہے ، حُضُورِ اَقْدَس صَلَّی اللہُ عَلَیْہِ وَاٰلِہٖ وَسَلَّم اپنے ہر نام کے لحاظ سے اِسْم بَا مُسَمّٰی ہیں یعنی  آپ صَلَّی اللہُ عَلَیْہِ وَاٰلِہٖ وَسَلَّم   کے جیسے  نام ہیں ، آپ حقیقت میں ویسے ہی ہیں۔

*  پیارے نبی ، رسولِ ہاشمی صَلَّی اللہُ عَلَیْہِ وَاٰلِہٖ وَسَلَّم  جب دُنیا میں تشریف لائے تو بالکل پاک صاف تھے *  آپ کی امی جان سَیِّدہ آمنہ ،  طَیَّبَہ طَاہِرَہ رَضِیَ اللّٰہُ عَنْہَا فرماتی ہیں :  وَلَدْتُّہٗ نَظِیْفًا مَا بِہٖ قَذْرٌ یعنی میرے لختِ جگر ، شاہِ خشک و تر صَلَّی اللہُ عَلَیْہِ وَاٰلِہٖ وَسَلَّم  دُنیا میں تشریف لائے تو بالکل پاک صاف تھے ، کسی قسم کی کوئی آلودگی بدن مبارک پر نہیں تھی^([1]) * جنتی صحابی ، حضرت انس بن مالِک رَضِیَ اللّٰہُ عَنْہُ فرماتے ہیں :  میں نے کبھی کوئی ریشم ایسا نہیں دیکھا جو میرے نبی ، رسولِ ہاشمی صَلَّی اللہُ عَلَیْہِ وَاٰلِہٖ وَسَلَّم  کی مبارک ہتھیلی سے زیادہ نرم ہو اَور میں نے کبھی کوئی کستوری یا عنبر ایسا نہیں سونگھا جو خوشبوؤں والے نبی ، مکی مدنی صَلَّی اللہُ عَلَیْہِ وَاٰلِہٖ وَسَلَّم  کی مبارک خوشبو سے زیادہ خوشبودار ہو^([2])* امام بیہقی رَحمۃُ اللہِ عَلَیْہ روایت نقل کرتے ہیں کہ جو خوش نصیب سرکارِ عالی وقار ، مکی مدنی تاجدار صَلَّی اللہُ عَلَیْہِ وَاٰلِہٖ وَسَلَّم  سے ہاتھ ملانے کا شرف حاصِل کر لیتا تو سارا دِن اُس کے ہاتھ سے مسلسل خوشبو آتی رہتی تھی * آپ صَلَّی اللہُ عَلَیْہِ وَاٰلِہٖ وَسَلَّم  جس  بچے کے سر پر ہاتھ رکھ دیتے تو خوشبو کی وجہ سے وہ بچہ تمام بچوں میں پہچانا جاتا تھا^([3]) * اُمُّ الْمُؤْمِنِیْن حضرت عائشہ صدیقہ طَیّبَہ طَاہِرَہ رَضِیَ اللّٰہُ عَنْہَا فرماتی ہیں : سرکارِ عالی وقار ، مکی مدنی تاجدار صَلَّی اللہُ عَلَیْہِ وَاٰلِہٖ وَسَلَّم  تشریف فرما تھے ، آپ کی پیشانی مبارک پر